نورستان ولایتی نینگ دوآب تومنی طالبان نظارتی گه اوتدی

محلی مقاملر شرقی نورستان ولایتی نینگ دوآب اولسواللیگی طالبان نظارتیگه اوتگنینی ایتگن، بوخبرنی محلی مقاملردن بیری بی بی سی نینگ شرقده گی درکچیسی بیلن بولگن صحبتیده تصدیق له گن.

بو مقام نینگ ایتیشیچه، اوتگن اقشام قورال بیلن جهازلنگن یوزلب قوراللی طالب دوآب تومنیگه هجوم قیلیب تومن نظارتینی اوز قولیگه آلگنلر.

نورستان ولایتی نینگ پلیس قوماندانی عبدالباقی نورستانی افغان کوچلری حربی جهازلرآزلیگی سبب " تاکتیکی آرقه گه چیکینیب " تاغلی منطقه لرگه باریب جایلشگنینی تاکیدله گن.

نورستانی جنابلری افغان امنیتی کوچلری و طالبان اره سیده قتیق توقنه شوولر یوزبیرگنینی ایتیب، حربی عملیات اوچون قوشیمچه کوچلر منطقه گه ییتیب کیلگنیدن خبربیرگن.

شونینگدیک او توقنه شوولرده بیر پلیس و کوپ سانده هجومچیلر هلاک بولگنینی تیلگه آلگن. اما ایریم گزارشلرده افغان امنیتی کوچلری هم کوپ تلفات کورگنی ایتیلگن. دوآب تومنی شرقی لغمان ولایتی بیلن قوشنی بولیب میلادی 2011 ییلده هم بیرکون طالبان نظارتیگه اوتگن ایدی.

نورستان حاکمی و پلیس باشلیغی محل گه بارگن، اما تومن وضعیتی باره سیده حاضرگه قدرهم ارتیق تفصیلات یوق. افغانستان شرقیده جایلشگن نورستان ولایتی پاکستان بیلن چیگره داش بولیب طالبان گروهی بو لایت نینگ ایریم تومنلریده انچه فعال بولگن. بوندن الدین هم بو ولایت نینگ بعضی حدودلری طالبان نظارتیگه اوتگن افغان امنیتی کوچلری طالبان عصیانچیلرینی یوق ایتیش اوچون حربی عملیات لرنی یولگه قوییگن.