هراتده اوغیرلنگن قیزیل هاچ تشکیلاتی نینگ بیش خادمی قوییب یوباریلدی

قیزیل آچ تشکیلاتی بیرخبرنامه ترقه تیب بوندن قریب بیر هفته آلدین اوغیرلنگن بیش خادمی هیچ قندی ضرر کورمسدن قوییب یوباریلگنینی معلوم قیلگن.اوشبو تشکیلات بو بیش خادمی نینگ شرط سیز قوییب یوباریلگنینی خوش قرشی له گن.

خلق ارا قیزیل هاچ تشکیلاتی نینگ افغانستانده گی رییسی مونیکا زنارلیی بوحقده شوندی دیگن:" بیش همکسبیمیز قوییب یوباریلیشی بیزلراوچون اوته مهم دیر، اولر عایله لرنزدیده احواللری یخشی."

شونینگ دیک قیزیل هاچ تشکیلاتی اوروش جبردیده لریگه یاردم قیلیشگه تعهدلی ایکنینی تیلگه آلیب بو تشکیلات ایشیگه توسیق یره تیلمسلگینی طلب قیلگن.

قیزیل هاچ تشکیلاتی نینگ مسووللریگه کوره، خادملری اوتگن هفته پنجشنبه کونی هرات ولایتی نینگ ادرسکن تومنیده اوروش جبردیده لریگه خذمت ییتکیزیش جریانیده اوغیرلنگن.

ایکی هفته الدین عصیانچیلر بو تشکیلات نینگ ننگرهارده گی ایشخانه سیگه هجوم قیلیب بو حادثه دن سونگ تشکیلات نینگ اوییرده گی فعالیتی وقتینچه لیک توخته تیلدی.

غربی هرات ولایتیده ادم اوغیرلش و چیت ایللیک لرنی ترورایتیش حاللری کوپیگن.