هلمند ولایتیده بیرپلیس 5صفداشی نی اولدیردی

Image copyright

افغانستان جنوبیده جایلشگن هلمند ولایتی رسمی لری هلاک ایتیلگن بوبیش عسکر بو ولایت نینگ گرشک تومنیده اوز همکارلریدن بیری تاماندن دستلب زهرله نیب کیین اولدیریلگن.

اوز اسمی نی ایتیشنی ایستمه گن رسمی لردن بیری بی بی سیگه کونی کیچه دولت مخالف لری بیلن تیلفون آرقه لی باغلنگن بیر عسکر بیرینچی دن اوز صف داش لری آوقتی گه زهری ماده سیپیب کیین اولرنی قتل ایتگنی نی معلوم قیلگن.

پلیس رسمی لریدن بیری گه کوره بوعسکراوز همکارلرینی قورال واوق لرینی هم اوزی بیلن بیرگه آلیب کیتیشگن.

هلمند ولایتی حاکمی نینگ سوزچیسی عمر زواک هم یوزبیرگن بوواقعه نی تصدیقلب بی بی سیگه بوعسکرلرقنده ی اولدیرگنی سبب لرینی اورگه نیش اوچون تیکشیرووآلیب باریله یاتگنی نی ایتدی. و تیکیشیرودن کیین قنده ی اولدیریلگن لری اعلان ایتیلیشی ممکن دیدی.

بومملکتده افغان وخارجی کوچلر گه قرشی اوزآره لریدن هجوم اویوشتیریش حاللری یوزبیره یاتگنی کته تهدیدلردن بیری حسابلنه دی.

بوندن نیچه هفته آلدین هم امریکا نینگ یوقاری مرتبه لی رسمی لریدن ژنرال گرین ایسه حربی کییمده بولگن بیر قوراللی شخص تاماندن کابل نینگ حربی بیلیم یورتیده آتیب اولدیرلدی. بو واقعه اوندن تشقری باشقه بیرقطارحربی لریره لنگندی.

جاری آی مملکت جنوبیده جایلشگن ارزگان ولایتی مرکزی تیرینکوتده بیر پلیس عسکری 7صف داشینی زهرلنتیریب کیین اوققه توتیب اولردن 6نفری اولیب بیرکیشی سی هم یره لنگندی.