اوباما ایکی نامزد بیلن سیلاو خصوصیده تیلفونی صحبت قیلگن

Image copyright AP

امریکا جمهور رئیسی بارک اوبا افغانستان جمهور رئیسلیک سیلاونینگ ایکلله نامزدی بیلن سیلاو خصوصیده تیلفونی صحبت قیلگن.

ایکلله تیم گه کوره اوبا سیلاوجریانی تیزلشتیریلیشی وسیلاوبحرانگه یوزتوتمسلیگی نی طلب قیلیشگن.

عین حالده ایکله تیم ایکی جمهور ریئس نامزد لری بوگون بیر- بیری بیلن عبدالله عبدالله اوییده اوچره شیب ملی بیردملیک حکومتی توزیلیشی اوستیده مذاکره قیلیب بوخصوصده آلغه سیلجیش لرهم بولگنی دن خبر بیریشماقده.

باشقه تاماندن افغانستان سیلاولر مستقل کمیسیونی کیلگوسی 10کونگچه آوازلرنی تیکشیریش جریانی یکونله نیشیگه امیدبیلدیرگن.

ایکله تیم اعضالری کونی کیچه بارک اوبا جمهور رئیس لیککه دعواگرلیک قیلگن اشرف غنی احمد زی وعبدالله عبدالله بیلن تیلفونی صحبت اوتگزیب جریان نینگ تخنیکی وسیاسی بولیم لری تیزلشتیریلیشی نی سوره گن.

عین حالده ایکله تیم اعضالری ایکی نامزد اورته سیده بولیب اوتگن بوگونگی مذاکره لرایجابی بولگنی نی تیلگه آلیشگن.

اصلاحات وهمگرالیک تیمی اعضالریدن فاضل سنگچارکی اوز فیس بوک صحیفه سیده ایکی نامزد اورته سیده گی اختلافلی تورت ماده دن ایکیته سی حل ایتیلگنی نی یازگن.

اشرف غنی احمد زی سیلاو تیمی ایکی نامزد اورته سیده بولیب اوتگن مذاکره لرنی ایجابی دیب ایتگن.

باشقه تاماندن بوگون افغانستان سیلاولرمستقل کمیسیونی جمهور رئیس لیک سیلاونینگ آوازلریدن 66فایزیدن کوپراغی تیکشیریلگنیدن خبربیردی.

افغانستان سیلاولرمستقل کمیسیونی جمعه کونی کیچقرونگچه آوازلردن 66فایزدن کوپراغی کوریب چیقیلگنی نی ایتدی.

بو کمیسیون سوزچیسی نورمحمدنور اگر معما یره تیلمه گن تقدیرده قالگن آوازلرنی تیکشیریش ایشی کیلگوسی اون کونگه توگب وجمهور رئیسلیک سیلاوی نینگ سونگی نتیجه لری اعلان ایتیلیشیگه امید بیلدیردی."سیزگه معلوم کی آوازلردن کته قسمی تیکشیریلگن، اگرجریانگه توسقین یره تیلمسه بوجریان بیر هفته یا اون کونگه یکون تاپه دی، سیلاونینگ سونگی نتیجه سی نی افغانستان خلقی گه اعلان قیله میز" دییدی نورجنابلری

افغانستان جمهور رئیس لیک سیلاو نینگ نتیجه سی تیزراق اعلان ایتیلیشی بومملکت کیله جگی اوچون اوته مهم دیب تاکیدلنه دی.

کیلگوسی 2هفته ده ناتو رهبرلری حضوری بیلن بریتانیانینگ ویلزیده بولیب اوتیشی کویتله یاتگن ییغین ایسه افغانستان کیلجگی گه قره تیلیب شواوچون بومملکت نینگ ینگی سیلنگن جمهور رئیس اوییرده اشتراک ایتیشی ضرورلیگی ایتیله دی.