"بیز رای لرنی سنش ده دوام ایته میز"

Image copyright Reuters

افغانستان سیلاولر مستقل کمیسیونی نینگ اعلان ایتیشیچه اگر جمهور رئیس نامزدلریدن بیری تفتیش جریانی نی تحریم قیلگن تقدیرده خلق ارا وایچکی نظارتچی لرحضوریده آلغه آلیب باریلیب سیلاونتیجه سی اعلان ایتیلیشی ممکن.

اما عبدالله عبدالله سیلاوتیمی آوازلرنی بیکار ایتیش جریانی قیلگن تکلیف لری گه اعتباربیریلمه گن اوچون اگرکمیسیون تکلیف لرینی انابتگه آلمسه جریاننی بایکوت قیله دیلر.

عبدالله عبدالله سیلاوتیمی نینگ ایتیشیچه هفته لردن بیری آوازلرنی بیکارایتیش اوچون 5ته شرط نی سیلاولر مستقل کمیسیونی وبیرلشگن ملت لرتشکیلاتی گه ایلگری سورگن ایدیلر اما بونگه اعتبار قره تیلمه گن.

عبدالله عبدالله تیمی تاماندن بیکار ایتیلیشی تکلیف قیلینگن شرط لر بیلگی قوییلگن آوازورقلری قتلنمسدن صندوققه تشلنگن آوازلر، قنچه کیشی آوازبیرگنی رویخطگه آلینگن قاغذ بیلن صندوقده گی آوازلربیردیک بولمه گن آوازلر، وصندوقلرگه بیرشکلده کوپلب خط چیزیلگن آواز دن عبارت بولگن .

عبدالله عبدالله سیلاوتیمی نینگ تخنیکی ایشلر گروهی رهبری فضل احمد معنوی سیلاوکمیسیونیده اوتکزگن خبری ییغینده سیلاو کمیسیونی ساخته آوازلرنی چیقریب بیکارایتیشده یوزه گی اورینگنی ایتدی.

معنوی جنابلری اگرایرته گچه ایستک لری نظرده توتیلمسه اولرجریاننی تحریم قیلیب سیلاونتیجه سی نی قبول قیلمسلیک لری بیلن آگاه لنتیردی.

اما انتخابات کمیسیونی نینگ معلوم قیلیشیچه امریکا تشقی ایشلروزیری حضوریده ایکی نامزد آوازلرنی تیکشیریش وبیکارایتیش اوستیده آلگن قرارلریگه اساسله نیب بوایشنی عملگه آشیرگن لر.

بو کمیسیون سوزچیسی نورمحمد نورنینگ بیلدیریشیچه اوتگن کونی ایکی نامزدگه تعلقلی بیکارایتیلگن 72محل آوازلری ایسه بیرلشگن ملت لر تشکیلاتی تاماندن تصدیقلنگن.

نورجنابلری کمیسیون عبدالله عبدالله سیلاوتیمی طلب لرینی تینگلشگه تیار ایکنی نی ایتیب واگر بوتیم جریان نی تحریم قیلگن تقدیرده توخته مسدن ایشلرایلگری کیتیب نهایی نتیجه اعلان بولیشی ممکن دیدی.

عین حالده آوازلرنی تیکشیریش یعنی برسی قیلیش جریانی دوام ایتیب نورجنابلریگه کوره 75فایزدن آرتیق آوازتفتیش بولگن واینگ آز6000 آوازصندوقی قالگن بونینگ ایشی هم کیلگوسی نیچه کونده پایان تاپه دی.

عبدالله عبدالله سیلاوتیمی نینگ بیلدیرگن مناسبتی آرتیدن بیرلشگن ملت تشکیلاتی یا یونیما بیر بیانات ترقه تیب ایکی نامزد کیلیشووی اساسیده آوازلرنی تیکشیریش جریانی نی نظارت ایتیشگه ایکی نامزد مسوول بولگنی معلوم قیلینگن.

عبدالله تیمی سیلاوجریانی گه عاید شرط لری قبول قیلینمه گن تقدیرده تحریم ایتیش بیلن آگاه لنتیریش لریگه قره مسدن سونگی کونلرده ملی بیردملیک حکومتی توزیلیشی اوستیده عبدالله عبدالله واشرف غنی احمد زی اورته سیده مذاکره لریولگه قوییلیب کیلماقده.

عین حالده ایکله نامزد ینگی جمهور رئیس نینگ قسم یاد مراسمی اوتکزیلیشی باره سیده حامد کرزی بیلن هم اوچره شگندیلر.

.