یوناما:رایلرنی تیکشیریش جریانی سپتامبرآی نینگ اونیده یکون تاپه دی

Image copyright

بیرلشگن ملتلر تشکیلاتی نینگ افغانستانده گی وکیلی یان کوبیش بوگون جمهوررییس حامدکرزی بیلن ملاقات اوتکزیب رایلرنی تیکشیریش جریانی سپتامبرآی نینگ اونیگه قدر یکون تاپیشی ممکن ایمسلیگینی اظهار ایتگن.

بوندن الدین افغانستان جمهوررییسی حامدکرزی سیلاو نتیجه سی نیچه کون ده اعلان ایتیلیب ینگی جمهوررییس نینگ تحلیف مراسمی سنبله آی نینگ اون بیرینچیسی ( سپتمیر آی نینگ ایککینچیسی ) ده بولیب اوتیشی کیره ک لیگینی اورغوله گن ایدی.

بیراق یوناما تشکیلاتی نینگ افغانستانده گی وکیلی یان کوبیش تعین ایتیلگن زمانده تفتیش جریانی یکون تاپیشی ممکن ایمسلیگینی تاکیدله گن. اونینگ تاکید قیلیشیچه، بوجریان سنبله آی نینگ 19 – ( سپتمیر آی نینگ 10 ) ده یکون تاپیشی گه ایشانچ بیلدیرگن.

شونینگ دیک او، تفتیش جریانی باره سیده جمهوررییس کرزی گه معلومات بیریب جریاندن راضیلیک بیلدیرگن.

بوندن الدین بیرلشگن ملتلر تشکیلاتی ایککینچی دور سیلاو آوازلرینی یوزده یوز تیکشیریلیشی اوچون تحلیف مراسمی زمانی بیرآی اوزیتیریلشینی جمهوررییس کرزیدن سوره گن ایدی.

شوطلب اساسیده ینگی جمهوررییس تحلیف مراسمی سپتمیر آی نینگ 2 نچیسیده بولیب اوتیشیگه قرار آلینیب جناب کرزی بو زمان اوزگرمسلیگینی تاکیدقیلگن ایدی.

مستقل سیلاو کمیسیونی ایککی سیلاو تیم ناظرلری حضورسیزلیگی بیلن تیکشیریش جریانی دوام ایتیب کیله یاتگنینی ایتدی اوشبو کمیسیون سوزچیسی نور محمد نور آوازلردن 76.2 فایزی حاضرگه قدر قیته تیکشیریلگنینی تیلگه آلدی.

نور جنابلریگه کوره، هرکون آلینگن قرار خصوصیده ایککی سیلاوتیم ناظرلریگه معلومات بیریله دی .

سیلاو کمیسیون نینگ ایتیشیچه مخصوص تیکشیریلیشگه قرار آلینگن 6000 رای صندوقی دن 1402 صندوق تیکشیریلگن و 5428 رای صندوقی حاضرگه قدرهم قیته تیکشیریلمه گن. نور جنابلریگه کوره، رایلرنی بیکار قیلیش جریانی نینگ اوچینچی باسقیچی ایرته علنی شکلده یولگه قوییلیب 3000 رای صندوقی باره سیده قرار آلینه دی.