۱۴ عصرنینگ ایکّینچی یرمیده یشب ایجاد قیلگن حامد بلخي

Image copyright BBC World Service

حامد بلخي ۱۴ عصرنینگ ایکّینچی یرمیده یشب ایجاد قیلگن اۉزبېک شاعری دیر. بیزگه اونینگ «یوسف و زلیخا» ناملی داستانی یېتیب کېلگن. اونینگ حیاتی حقیده حاضرچه درست معلومات یۉق. «یوسف و زلیخا» داستانی نینگ کیریش قسمیده معلوم بۉلیشیچه، بو داستان نینگ یازیلیش وقتی بلخ شهری نینگ دشمن تمانیدن قملده قالگن دوریگه، یعنی تېموريلرنینگ اۉز ارا اوروشلری اوج آلگن وقتلرنینگ بیریگه تۉغری کېلگن. حامد بلخی «یوسف و زلیخا» حقیده‌گی قدیمگی شرق افسانه‌سی بیرینچی بۉلیب اۉزبېک تیلیده نظم بیلن حکایه قیلیب بېرگنلردن دیر. حامد بلخي بو افسانه دنیاوي تۉن کییدیریشگه اینتیلگن. یوسف و زلیخا سیمالری حقیقي عاشق۔معشوقلر سیماسی بۉلیب قالدی.

داستاندن نمونه:

کتاب نظمی نینگ ابتداسی

بلخ اېرور دهرغه ام‌البلاد،

مظهرِ اسلام تقی عدل و داد.

جمله اکابرنینگ اېدی منزلی،

ساکن اېرور انده نبی و ولی.

بۉلدی فلک گردشیدین دارِ ظلم،

خلقی انینگ بۉلدی گرفتارِ ظلم.

«ذاد» اېدی تاریخ و ینه «ح» و «دال»،

مدت هجرتدین اۉتوب ماه و سال.

قلعهٔ بلخ اۉلدی چو دروازه بند،

پایهٔ ظلم اۉلدی بغایت بلند.

ایله‌دی قهار چو اظهار قهر،

بۉلدی گرفتار خلایق به شهر.

حکم بیله کیردی اولوس ایچکری،

حاصلِ عمرین قۉیوبان تشقری.

شهر چو دوزخ کیبی زندان اېدی،

تشقری روضهٔ رضوان اېدی.

تشقری اېردی باری ناز و نعم،

شهر ایچیده اېردی عذاب الیم.

تشقری اېردی پالیز و باغ،

شهر ایچیده اېردی بسې درد و داغ.

تشته اېدی سبزه و آبِ روان،

شهر ایچیده اېردی یوز آه و فغان.

تشته اېدی نعمت ایله کشتگاه،

شهر ایچیده شربت اېدی آبِ چاه.

تشته اۉشل صحبت گلزار اېدی،

شهر ایچیده اېردی بسې سۉز و تعب.

خلق بو شهر ایچره به زندان اېدی،

محنت اۉتیدین بری بریان اېدی: