سوریه انقراضی : قاچقینلر سانی 3 میلیوندن آشدی

Image copyright Reuters

اوچ میلیون دن آرتیق سوریه لیک بوگونگه کیلیب قاچاقینلر رویخطیدن اوتگن. بیرلشگن ملتلر تشکیلات نینگ قاچقین لر بویچه اداره سی نینگ بیلدریشیچه انقراض چوقیرله شیب بارماقده. بو اداره نینگ ایتیشیچه " اوشبو انقراض دوره میزنینگ اینگ کته انسانی هلاکتلریدن دیر"، سوریه اهالی سی نینگ دیرلی یریمی اوز اوی لرینی ترک ایتگن . اکثری سوریه لیک قاچقینلر قوشنی مملکت لردن پناه تاپیشگن، اینگ کوپی لبنانگه کیتگن. 190 مینگ دن آرتیق انسان سوریه ده اوچ ییلکی دوام ایته یاتگن ایچکی اوریشده هلاک بولگن . جمهور رئیس بشر السد گه قرشی مخالف گروه لر 2011 ییل نینگ مارچ آیدن بیری کوره شیب کیلیشماقده. وضعیت مملکت نینگ شمالیده اسلامی دولت نینگ برپا ایتلیشیدن سونگ ینه ده یمان لشگن.

"قورققن و حالدن تویگنلر"

بیرلشگن مللتلر تشکیلاتی قاچقین لر بویچه اداره سی نینگ بیلدریشیچه هر بیر سکیزینچی سوریه لیک اوز وطنینی ترک ایتیب قاچقگن، 6.5 میلیون کیشی ایسه اوی لرینی تشلب چیقیب کیتگن. بولرنینگ یرمی یاش باله لر دیر . رویخط دن اوتگن قاچقین لر سانی سونگی ییل ایچیده ایککی میلیون گه آرتگن .قوشنی مملکت لرده گی قاچقین لر جملاقلریگه کیله یاتگن عایله لر قورققن و حالدن تویگن، بولردن بعضی لری ییل دوامیده قیشلاقدن قیشلاققه اوتیب، تینمسیز قاچقینلیکده کون کوریشگن.