عبدالسمیع رسولی: کوز یاشینگنی مین اوچون ایتگن روان جانم آنم

اجی محمد رسول اوغلی عبدالسمیع رسولی 1343 هـ ش ییلی سرپل ولایتی نینگ ابوالفتح قیشلاغیده گی بیر ضیألی عایله ده دنیا گه کیلگن. او (1350 هـ ش) ییلی سرپل ولایتی نینگ منهاج السراج لیسه سیگه شامل بولیب، باشلنغیچ و اورته مکتبلرنی شو لیسه ده بیتیرگن.

1359 هـ ش ییلی دن سونگ، مملکتده روی بیرگن ایچکی اوروشلر سببلی سرپل ولایتی ده مکتب لر ایشیک لری قالگنی اوچون، رسولی هم بیر نیچه ییل اوقوودن اوزاق قالیب، اوی جایینی ترک ایتیب، جوزجانگه کوچیب کیلدی.

1363 هـ ش ییلی شبرغان شهری نینگ ابن یمین عالی لیسه سیگه شامل و لیسه دوره سینی عالی درجه گه بیتیرگن. اوشونینگ دیک، ابن یمین عالی لیسه سی نینگ تقدیرنامه و تحسین نامه لرینی هم قولگه کیلتیرگن.

عبدالسمیع "رسولی" بیر احساسلی، وطن سیور و ایلسیور کیشی بولیب، شو احساسلری باعث بولیب، یاولر و بیگانه لرنی قرشی سیده وطن نی حمایه قیلیش اوچون قوراللی کوچلر صفیگه قوشلیب، 1362 ییلی اوروش جریانیده تن جراحتی آلگن. قوراللی کوچلر صفیده، صداقت و خسته لیک نی بیلمس دن خدمت قیلیشی اوچون، افغانستان دولتی نینگ ثور انقلابی اون ییللیک مدالی نی هم قولگه کیلتیرگن.

"رسولی" شعر و ادب شیدالری دن بیری دیر. مکتب دوره سیدن بویان شعر یازیب، فرهنگ ستیز گروهی طالبلر اورته گه کیلگن دن کیین رسولی وطن دن آواره بولیب، غربت ده یازگن شعر لری همه سی یوقالگن، بو کیشی نینگ شعر توپلمی حاضرگه قدر چاپ بولگن ایمس.

"رسولی" شعر و ادبیات دنیاسیگه قیزیقگنی سبب، یازگن شعر توپلمی دن علاوه (5) عنوان کتاب نی نگاه کوتاهی به تاریخچه انبار یا سرپل امروز، مشاعره، گزیده هایی از اشعار استاد خلیلی، کاروان غزل و گنج النصایح چاپگه تیارله گن. بو جمله دن نگاه کوتاهی به تاریخچه انبار یا سرپل امروز عنوانلیک کتابی تازه لیک ده چاپ دن چیققن.

قوییده گی شعرلر شاعرنینگ ایجادیدن نمونه:

جانم آنم

پرورش بیر دینگ منی ای مهربان جانم آنم

کوزگه اویقو کورمه گن شیرین زبان جانم آنم

گــل کبــی نازک ایـــدِم درد و الـــم کــــورگــــن چـــاغی

کوز یاشینگنی مین اوچون ایتگن روان جانم آنم

حشر ده جنت هدایا سی نصیبــم بولغو سـی

بولسه مهرینگیز مینگه پرتو فشان جانم آنم

باشم اوز ره کوتاریب کعبه ساری بولسم روان

حقینــگیز بولمـــس ادا با عــــز و شــان جانم آنم

التــفاتینـــگیــــــز الـــوغ دریــای رحمـــت دور مینـــگه

بیرباقینگ، قیتیب باقینگ ای مهربان جانم آنم

رشته گه چیکدیم "رسولی" دیگ یوره ک آوازینی

میــن تمـــاندن سیـــزگه ایـــزگو ارمغـــان جـــانم آنم

اوزبیگم

حـــق یــولیده بــاش کــــوتارگــــــن فـــخـــر دوران اوزبیگم

همتینگ بـــولسون زیاده خــلق گـــــه داستان ازوبیگم

کوپ شهید لـــــر قانی بیرله بولدی بیراغینگ بلند

هــیلپرتیپ اسره گـــیل سین ایله طغیان ازوبیگم

گـــــر یــوگــورسنگ شیر غُـــــــران دیک یاو لر اوستیده

تاب کیترماس غـــیرتینگدن مـــــــــــرد میدان ازوبیگم

بو ابومسلم نی یــورتی، سینگه قالگن بیر میراث

اسره گیل قـــانینگ بـــیلن بــا عـــــــزت و شان ازوبیگم

گر ادا حقینگ نی قیلسه قیل قبول خــاطـــــــــرینگ

بـــو ( رسولی ) جـــانی بــولسین سینگه قـــــــربان ازوبیگم