ناتو ییغینیده افغانستان مدافعه وزیری اشتراک ایتیشی ممکن

افغانستان دولتی ناتو ییغینی گه قدر سیلاو نتیجه اعلان ایتیلمسه مدافعه وزیری بسم الله محمدی افغانستان تامانیدن بو یغنیده اشتراک ایتیشی ممکن لیگینی ایتگن،

بو ییغین سپتامبر آیی نینگ تورتینتچی و بیشنیچیسیده بریتانیا نینگ ولز شهریده بولیب اوتیشی ریجه لنگن.

بیرینچی کونیده افغانستان مساله سی مباحثه ایتیلیشی کوتیله دی.شواوچون ناتو رهبرلری افغانستان ینگی جمهورریسی اشتراک ایتیشی ضرور لیگینی نیچه بار طلب قیلدی.

اوچ کوندن سونگ بریتانیا نینگ ولزشهریده ناتو یغینی یولگه قوییلیشی ریجه لنگن، یغین نینگ بیرنیچی کونیده ناتو نینگ افغانستانده گی کیله جک ماموریتی اوستیگه بحث آلیب باریله دی.

جمهوررئیس حامدکرزی بوییغینده اشتراک ایتیش اوچون دعوت ایتیلگن ایدی. اما بودعوتنی اورد ایتدی.

بولیب اوته جک مذکور ییغینده امریکا جمهوررئیسی باراک اوباما آلمان باش وزیری انگلا میرکل وبریتانیا باش وزیری دوید کامرون داخل دنیانینگ مهم رهبرلری اشتراک ایتیشی کوتیله دی.

لیکن افغانستان تامانیدن مدافعه وزیری بسم الله محمدی اشتراک ایتیشگه قرار آلینگن، افغانستان جمهوررئیس لیک سرایی سوزچیلریدن فایق واحدی بی بی سی بیلن بولگن صحبتیده ملی امنیت کینگشی نینگ بوکونگی ییغینده بوقرار آلینگنینی ایتدی.

واحدی جنابلریگه کوره ایریم یوقاری مرتبه لی افغان مقاملری مدافعه وزیرینی همرالیک قیلیشی ممکن.

بو ییغینده ناتو اعضالیگیده بولگن دولت لر افغان امنیتی کوچلری نینگ مالی یاردم قیلیش و افغانستانده گی ماموریت لری باره سیده صحبت آلیب باره دی. شو اوچون ناتواعضالگیده بولگن دولت لر ینگی جمهوررییس نینگ بو یغینده اشتراک ایتیشی مهم لیگینی نیچه بار تاکید قیلدی.

ایککی سیلاو تیم نینگ ایتیشیچه بریتانیا باش وزیری تیلفونی صحبتیده اولردن ناتو یغینیده اشتراک ایتشلرینی طلب قیلگن.

عبدالله عبدالله سیلاو تیمی بو دعوت نی رد ایتگن، اما اشرف غنی احمدزی حاضرگه قدر بوخصوصده قرار آلمه گن.

ینگی جمهوررییس تحلیف مراسمی ایککی کوندن سونگ یولگه قوییلیشی کوتیلرایدی بیراق سیلاومعماسی بوجریاننی ینه بیر آی کیچیکتیردی.

چونکی ایککینچی دور جمهوررییسلیک سیلاو آوازلرینی تیکشیریش جریانی یکون تاپمه گن.