چیککه حدودلرده هم عیاللر هیداوچیلیک قیلماقده

Image caption خانم شریفی باشقه عیاللرنی هم هیداووچیلیککه ترغیب ایته دی

افغانستان نینگ اکثر ییریک شهرلریده عیال هیدوچی لرنی کوزه تیش ممکن، اما غور کبی قشاق و اوزاق توشگن و عنعنه پرست ولایت مرکزی فیروزکوه شهریده بو ینگی بیر اوزگریش .

غور ولایتی گه سفر قیلیب هیداوچی عیاللر بیلن صحبت قیلگن بی بی سی خبرنگاری محمد قاضی زاده نینگ ایتیشیچه حاضرچه فیروزکوه شهریده بیش عیال هیدوچی لیک قیلماقده.

غور ولایتی کینگشی اعضاسی انجیلا شریفی بو ولایت مرکزیده هیداوچی لیک قیله یاتکن بیش عیال دن بیری دیر.

هیداوچی لیککه قیزیققن بوعیال فیروز کوه شهریده هیچ قنده ی تشویش سیز هیداوچی لیک قیلیب باشقه عیال لرنی هم بو ایش که تشویق قیله دی.

خانم شریفی ،غور ولایتی ده خوف سیز و مدنی قیینتچلیک لر گه قره می ؛ بیر عیال اوله راق بیرینچی بولیب وباشقه عیال لرگه اورنک بولیش اوچون بو جسارت قیلگنی دن خرسند .

فیروز کوه شهری خیابان لریده بازارگه چیققن عیال لرنی اونچه لیک اوچرتمه یسیز .اما کورنیشیچه اوی دن تشقریده چیقیش ده عیال لر قرشی سیده قنده ی بیر ییریک معما هم یوق.

بو شهر ده حتی ایریم عیال لر موترسایکل هم هیده یدیلر .

قریب 50 یاش ده بولگن خلیفه زاده گه شهرت قازانگن گل بدن خانم فیروز کوه شهریده موترسایکل هیده یاتکن یگانه عیال دیر.

گل بدن خانم موتورسایکل هیده ش گه اونی مجبور قیلگن اساسی موضوع شوق ایمس، بلکی حیات ده گی کونده لیک قیین چلیک لرنی بر طرف ایتیشی بولگن دیدی .

عمریولداشی کیکسه بولگنی اوچون موترسایکل نی اورگنه آلمگنی نی گل بدن خانم ایتیب عمریولداشیم موتر سایکل هیده ش گه منگه رخصت بیردی دیدی .

اوغیل فرزندی بولمه گن گل بدن خانم برچه بازار آچارینی موترسایکل بیلن بجریشی نی هم تاکیدله یدی.

گل بدن خانم اوروش ییل لریده هم جبر کورگن عایله لرگه عنعنوی ساغ لیک نی سقلش خذمت لرکورستکن.

او کوپ ییل لردن بویان بیرقنچه یقین قرینداش لری نینگ عایلوی همده بو عایله باله لری نینگ مکتب خرجت لرنی هم تامین لب کیلگن .

او حاضرچه باله لر تعلیم وتربیتی بوییچه فعالیت قیله یاتکن بیر خارجی موسسه ده ایشلب اوز روزگاری خرجتی نی شو یول دن تامین له یدی .

گل بدن خانم شهر و اکثر ناقرار تومن لرده هم موتر سایکل بیلن سفر قیلگن .

او حاضرگه قدر غور ولایتی نینک اوزاق توشکن دولتیار اولوسواللیگی ده اون مراتبه دن کوپراق موتر سایکل بیلن سفر قیلگنی نی ایتیب اما باشقه قیز وعیال لر موترسایکل اورنیده پیلوت یا اوچروچی بولیش لرینی توصیه قیله دی .

او بو سفرلرده قیین چلیککه دچار بولگن یا بیمارعیال لرنی ارقم گه میندیریب اولسواللیک دن شهرگه و عکسنچه انتقال بیرگن من دیدی.

گل بدن خانم هر بیر افغان عیال لر موترسایکل هیده ش گه جسارت لی بولگنی تاکیدلب اما یاش قیز لرقرشی سیده حاضر عنعنوی جهت دن بیراز معما وقیین چیلیک لر بارلیگی اورته گه قوییب لیکن یاش قیزلرگه طیاره پیلوتی یا اوچرووچی سی مهارتی نی اورگه نیش گه توصیه قیله دی.

هر چند بو ولایت ده خصوصا تومن لرده عیال لر قرشی سیده معما وتوسیق لر کوپ اما مدنی فعال لر بو معما جدی کوره ش آرقلی برطرف ایتیله جک نی تاکیدله یدیلر .

غور ولایتی مدنی فعال لریدن حسن حکیمی جناب لری عیال لرنی هیداوچی لیک قیلیشی کبی اوزگریش لر بو شهر ده اجتماعی ساحه لرده یوزگه کیلگن اوزگریش بیلگیسی بولگنی نی تاکیدله یدی .

بونگه قرمسدن غور مرکزی نینگ اولوسواللیک لری آره سیده مدنی و اجتماعی جهت دن کوپ گینه فرق یققال نمایان بولیب توریبدی.

غور تومن لریده هلی هم صحرایی محکمه لر و عیال لرگه قرشی دهشت لی زوروانلیک لردن انده سنده خبرلرینگره ماقده .

اما بیرقطارمدنی فعال لر وخصوصا ضیالی عیا ل لر بو ولایت مرکزی فیروز کوه شهریده اینگ آز مدنی فعالیت لری نی بجریش ده امکانیت مساعد ایتیلگنی دن خرسندلیک بیلدیره دیلر