عیاللرنی جنسی زورلشده عیبلنگن 8 کیشی دن 6نفری قولگه آلینگن

Image copyright MoI

کابل پلیس رهبری نینگ ایتیشیچه کابل نینگ پغمان تومنیده اوغیرلیک وجنسی تجاوزقیلگن لیککه عیبلنگن 8کیشی دن فقط آلتی نفرینی قولگه آلیشگه موفق بولگن. کابل پلیسی گه کوره عیاللردن بیرته سی اون مرته زورلنگن.

اوتگن 5شنبه 28سپتمبرکابل شمالی پغمان منطقه سیدن تورت عایله توی مراسمی دن اویلرگه کیله یاتگن بیر چاغده قوراللی شخص لراولرنینگ نقلیه واسطه لرینی توخته تیب عیاللروایرککلرنی اوزاق محل گه آلیب بارگن.

کابل پلیس رهبری گه کوره هجومچی لر بوکیشی لرنینگ آلدلریده گی اشیالرنی آلیب وکیین عیاللرنی زورله گن لر.

پلیس رهبری نینگ معلوم قیلیشیچه عیاللردن بیری اون مرته زورلنگن حالبوکی نیچه قدمیده اونینگ عایله اعضالری بوعیال ناله سینی ایشتیردیلر.

آلدین راق ایریم نا رسمی منبع لرتاماندن گروهی زورلنگن بوعیاللردن بیری عالم دن اوتگن لیگی باره سیده خبر قیلینگن ایدی.

اما رسمی منبع لرتاماندن بوخبررد ایتیلیب احوالی یخشی ایکن لیگی معلوم قیلیندی.

حاضرگچه بوعیال کیم لیگی باره سیده کوپراق تفصیلات رسانه لرگه بیریلمه گن.

ایچکی ایشلروزیرلیگی سوزچیسی صدیق صدیقی گه کوره بو واقعه گه عیبلنگن شخص لردن ایکی نفری غزنی ولایتیگه قاچیب کیتگندی، اولر پلیس تاماندن قولگه آلینگن.

افغانستان پایتختی ده یوزبیرگن بوگروهی جنسی تجاوز مثل کوریلمه گن حادثه صفتیده حسابلنه دی.

بوواقعه یوزبیریشی آرتیدن افغانستان جمهور رئیسی بوواقعه نی تیکشیریش اوچون هیات تشکیل بیردی.

کابل پلیس قوماندانی جنرال ظاهرظاهربوعایله عیاللری جنسی تجاوز بولگنی باره سیده شکایت قیلمه گنی نی ایتدی.

بیراق پلیس گه رابعه بلخی کسلخانه سی مسووللری عیاللرزو رلنگنی خصوصیده خبربیرگن.

اونگه کوره پلیس بوواقعه دن خبربولیب محلگه بارگن، اما حادثه عامللری پلیس ییتیب بارگن پیتگچه محلنی ترک ایتیشگن.

پلیس رهبری عیبلنگن کیشی لردسلتبلکی تیکشیروده عیاللرنی کلتکله گن لرینی اعتراف قیلگن لر.

اوبوکیشی لراوتمیشده جنایتچی لیککه قولی بولگنی نی ایتیب بوترماقنی رهبری بوندن آلدین 5ییل قماققه حکم ایتیلگن دیدی.

کابل پلیس رهبری قضا اداره لری جنایتچیلیککه قولی بولگن کیشی لربیلن بولگن معامله لری نی تنقیدآستیده آلیب بواداره لردن بوکیشی لراعدام جزاسیگه حکم ایتیلیش لری باره سیده قرارآلیش لرینی طلب قیلدی.

سونگی کونلرده پایتخت کابلده جنایتچیلیک میزانی آشیب بیرهفته کمیده ایکی قتل یوزبیرگنی گزارش قیلینگن.