عبدالله سیلاوتیمی: رقیب تیم بیلن مذاکرلرتوخته تیلگن ودنیاجماعه چیلیگی بیلن دوام ایتماقده

اشرف غنی احمد زی سیلاوتیمی عبدالله عبدالله دن امریکا تشقی ایشلروزیری حضوریده ایریشیلگن کیلیشووگه توریشلرینی سوره گن.

تحول وتداوم تیمی گه کوره ملی منفعت اوچون بیرکون آلدین آلگن قرارلرینی قه یتیریب آلیش لری کیره ک.

بوتیم عبدالله عبدالله تیمی سیلاومساله سیده تارتیشیشلری اولرنی انزواگه آلیب باریشی باره سیده آگاه لنتیرگن،

شونینگ دیک بوتیم تهدیدلرسبب باش قانون ایاغ آستی قیلمسلیگی نی معلوم قیلگن.

عین حالده عبدالله عبدالله سیلاو تیمی اشرف غنی احمد زی تیمی بیلن مذاکره لری نتیجه سیزبولگنی اوچون توخته تیلگنی ایتگن، اما مذاکره لری دنیا هم جماعه چیلیگی بیلن دوام ایته یاتگنی نی معلوم قیلگن.

عبدالله عبدالله سیلاوتیمی بیرکون آلدین اولرنینگ تکلیف لری قبول بولمسه ملی بیردملیک حکومتی گه حصه قوشیلمسلیکلری ممکن لیگی نی اعلان ایتدیلر. بونینگ آرتیدن بوگون اشرف غنی احمد زی سیلاو تیمی بونگه مناسبت بوقرارنی شاشلینچ بیرقراربولگنی نی ایتیب همده ملی منفعتگه قرشی معلوم قیلیشدی.

بوتیم نینگ سوزچیسی فیض الله ذکی بولیب اوتگن مطبوعات انجمنی ده سوزگه چیقیب عبدالله عبدالله تیمی قیلگن تعهدلریگه توریب وآلگن قرارلری باره سیده قیته کوریب چیقیش لرینی تیلگه آلدی."تحول وتداوم تیمی حوصله بیلن انتخابات جریانی پایان تاپیشی اوچون 17اسدده ایریشیلگن کیلیشووگه تعهدلی بولگن، عبدالله عبدالله سیلاوتیمی دن هم طلبیمیزشوکه قیلگن تعهدلریگه حرمت کورسه تیب، همده ملی منفعت نی اوستون بیلیب بیرکون آلدین آلگن قرارلرینی قیته کوریب چیقسین لروایکی جریانگه هم همکارلیک لرینی دوام ایتدیرسینلر"

عین حالده عبدالله عبدالله سیلاو تیمی گه کوره اشرف غنی احمد زی تیمی بیلن مذاکره لری شکست گه اوچره گنی سبب توخته تیلگن. اما بوتیم مذاکره لری دنیا جماعه چیلیگی بیلن دوام ایته یاتگنی نی معلوم قیلگن.

بوتیم نینگ معلوم قیلیشیچه بیریریم میلیون آوازاشرف غنی احمد زی منفعتی گه ساخته لشتریلگن، وبومساله نی بیرلشگن ملت لرتشکیلاتی ودنیاجماعه چیلیگی بیلن شریک قیلگن لر.

بیرکون عبدالله عبدالله سیلاتیمی طلب لریمیزگه اعتبار بیریلمسه سیاسی جریاننی هم تحریم ایته میزدیب آگالنتیرگن ایدی.

اما ذکی جنابلری باسیم وتهدیدبیلن قانون گه قرشی قرارآلیشگه حاضربولمسلیکلری نی ایتدی، شونینگ دیک اونگه کوره باسیم وتهدید سیاسی مساله لرنی حل ایتیش یول ایمس.

عین دمده ذکی جنابلری بلخ حاکمی عطا محمد نورتاماندن اصلاحات وهمگرالیک تیمی طرفدارلریدن مدنی اعتراض بیلدیریش اوچون تیاربولیشلری اوچون قیلگن دعوتی گه توخته لیب، سیاستچی لرمملکتده گی معمالرنی حل ایتیشگه کوپراق اعتباربیریشلری کیره کلیگی نی تاکیدله دی.

بوندن نیچه کون آلدین عبدالله عبدالله سیلاوتیمی آوازلرنی تیکشیریشده 5تکلیف لری اناتگه آلینمه گنی اوچون بوجریاننی تحریم ایتدیلر.

اماشونگه قره مسدن ملی بیردملیک حکومتی نی تشکیل ایتیش اوچون سیاسی مذاکره لرایکی تیم اورته سیده بیرکون آلدینگچه دوام ایتیب تورگندی.

باشقه تاماندن بیرلشگن ملت تشکیلاتی ایچکی وتشقی نظارت لرحضوریده آوازلرنینگ کمیده 90فایزی سنلگن.

افغانستان سیلاولر مستقل کمیسیونی قریب 23000آوازصندوقیدن فقط گینه 2000دن آرتیق آوازصندوقی تیکشیریلمه گنی نی معلوم قیلگن.