کرزی:ملی بیردملیک حکومت تشکیل ایتیلگن حالده اپوزیسیونگه احتیاج یوق

Image copyright ARG

افغانستان جمهوررییسی حامدکرزی ایککی نامزد اشتراکی بیلن ملی بیردملیک حکومت تشکیل ایتیلگن حالده اپوزیسیونگه احتیاج یوق لیگینی تاکیدله گن.همده او ایکله نامزد دن تیزراق حکومت تشکیل بیریشلرینی طلب قیلگن.

جمهوررییسی کرزی نینگ ایتیشیچه موجود وضعیت چیده گودیک ایمس ایکی نامزد هرقندی کیلشووگه ایرشه ، ایرشسین ؛ چونکی اونگه کوره ، جاری وضعیت ایکله نامزد کیلشوودن کوره هم یمان راق دیر.

جناب کرزی ریاست جمهورلیک سراییده عیاللر بیلن اوچره شگن پیتی شوندی اظهارات بیلن چیققن:."داکتر اشرف غنی احمد زی وعبدالله عبدالله دن ایسته یمن، ملی بیردملیک حکومتی نی ایجاد ایتیب، بیرته سی جمهور رئیس وینه بیرته سی هم اجرائیه رئیس صفتیده ایشله سین. تیزلیکده حکومت تشکیل تاپسین. مین ایکله سیگه هم ایتگن من،نتیجه اعلان بولیشی بیلن اوشه کون ویا ایکی کون کیین قچان ایسته سه لر، قسم یاد مراسمی نی اوتکزیشگه تیارگرلیک کوریلگن" دییدی او.

عبدالله عبدالله سیلاو تیمی سیاسی کیلیشوو نهایی بولیشی باره سیده تاکیدلشماقده، اما اشرف غنی احمد زی نامزدلیگیدن حمایت ایتیب کیلگن حق وعدالت حزبی سیلاونینگ نهایی نتیجه سی تیزراق اعلان بولیشی نی طلب قیلیب چیقماقده .بوخصوصیده بو حزب سوزچیسی حمید الله فاروقی "جریانگه باغلیق اداره لرمسووللری گه اینیقسه جمهور رئیس کرزی، سیلاواداره لری، جریانگه یاردم بیریب کیلگن دنیا هم جمعیت مملکت لری، وسیلاوتیم لری تاریخی مسوولیت لرینی ادا ایتیش لری کیره ک، بوحزب کیسکین روشده اساسی قانون، سیلاوجریانی وخلق آوازی بیلن اویین قیلینمسلیگی نی طلب قیله دی، بیرکون آلدین پایانیگه ییتگن آوازلرنی تیکشیریش جریانی تیزراق نتیجه سینی اعلان ایتیشی لازم وبونگه همه حرمت قیلیشی کیره ک" دیدی او

باشقه تاماندن عبدالله عبدالله گه طرفداربولگن جهادی رهبرلردن بیری سیلاونینگ اعلان ایتیلیشی نی ایسته گن لرنی آگاه لنتیرگن،

عبدالرب رسول سیاف گه کوره، سیاسی کیلیشووگه ایریشیلمسدن توریب نتیجه نینگ اعلان ایتیلیشی مملکت نی نابرقرارلشتیریب قویه دی.

افغانستان سیلاو تقدیری نیمه بوله دی هلی هم نامعلوم، سیلاو تیمی لریدن بیری نتیجه اعلان بولیشی نی تاکیدلماقده، باشقه بیری قدرت بولینیشی اوستیده گی کیلیشوونهایی بولیشی نی تیلگه الماقده.

سیلاوجنجاللری دوام ایتگنی سبب واسطه چیلیک قیلیش اوچون بومملکت گه آلمان تشقی ایشلر وزیری هم سفر قیلیشگن.

آلمان تشقی ایشلروزیری وبومملکت نینگ مخصوص وکیلی سیلاوتیم لری بیلن اوچره شگن. هلی گچه بو اچره شوولر تفصیلاتی اعلان بولمه گن.