مزارشریف ده گازغولچه گی پارتله گنی عاقبتیده بیش نفر یره لندی

بوگون توشدن کیین مزارشریف شهری ملکی شفاخانه سی یانیده بیر موترنینگ گاز غولچه گی پارتله گنی عاقبتیده بیر باله داخل بیش کیشی یره لندی.

یره لنگنلر شفاخانه گه ییتکزیلیب، احواللری یخشی ایکنی ایتیله دی.

بلخ امنیه قوماندانلیگی مسووللری حادثه موترنینگ گاز غولچه گی پارتله گنی دن کیلیب چیققنی معلوم قیلگن.

اما مزارشریف ملکی شفاخانه سی داکترلری حادثه محلی دن ایکی باله شامل 8 نفر شفاخانه گه آلیب کیلینگنیدن خبر بیرگن.

ایلک بار دیرکه مزارشریف ده موترده اورنه تیلگن گاز غولچه گی پارتله ماقده.

بوندن بیر هفته آلدین عین محل ده ماین پارتلب، ملی خوفسیزلیک بیر خادمی دن جان آلیب، باشقه اوچ کیشی تینچ اهالی یره لندی.

مسووللری گازغولچه گی پارتله گنیگه حد دن زیاد گاز تولدیریلگنی و تولدیریش اصوللری معیاری بولمه گنینی سبب قیلیب کورستگنلر.