جوزجانده ایکی پاکستانلیک انجنیر اوغیرلندی

Image copyright bbc uzbek

بو انجنیرلر بوگون جوزجان ـ سرپل قتناو یولی آقیمیده اوغیرلنگن.

جوزجان امنیه قوماندانی فقیرمحمد جوزجانی حادثه نی تصدیقلب، اوغیریلر اولرنینگ بیر هیداوچیسینی هم اوزلری بیلن آلیب کیتگنی ایتگن.

او نگه کوره، مذکور پاکستانلیک انجنیرلر شبرغان ـ باشیکورد قتناو یوللرینی قوره یاتگن قوریلیش شرکتگه قره شلی بولگن.

جوزجان امنیه قوماندانی نینگ ایتیشیچه، کشفی معلوماتلرگه کوره، اوغیریلر اولرنی چارسای ناملی منطقه گه تمان آلیب کیتیشگن.

اونگه کوره، مذکور انجنیرلر نامعلوم قوراللی شخصلر تمانیدن اوشلب کیتیلگن.

هنوزگچه بو انجنیرلر کیملر تمانیدن اوغیرلنگنی انیق ایمس، اما پولیس نینگ اولرنی آزاد ایتیش اوچون ایش باشله گنی ایتیله دی.

اوشونینگ دیک، شرکت مسووللری پاکستانلیک انجنیرلر اوغیرلنگنی باره سیده اولر شکایت یوزه سیدن مراجعت ایتمه گن.

ایتیلیشیچه، باشیکورد منطقه سی شبرغان شهریدن کمیده 20 کیلومتر مسافه ده جایلشگن.

طالبان گروهی هم هنوزگه قدر بو حادثه مسوولیتی نی تن آلمه گن.