بانکی مون: ایکله نامزد تیزلیک بیلن جنجللرگه پایان بیرسین

Image copyright

بیرلشگن ملتلر تشکیلاتی غلبه قازانگن نامزد رهبریتی آستیده تشکیل ایتیله دیگن ملی بیردملیک حکومتنی حمایت ایتیشینی معلوم قیلگن. اوشبو تشکیلات نینگ افغانستانده گی وکیلی ایکله نامزدن هم سیلاو نتیجه سینی قبول قیلیشینی طلب قیلگن. افغانستان مستقل سیلاو کمیسیونی رایلرنی تفتیش نتیجه سی کیله سی اوچ کونگه قدر شکایت لرنی تینگلش کمیسیونیگه یوباریلیشی ممکنلیگینی ایتگن. اوشبو تشکیلاتی باش کابتی بانکی مون سیلاو معماسیگه تیزلیک بیلن نقطه قوییلیشی نی ایککی نامزد دن طلب قیلیب، ملی بیردملیک حکومت تشکیل ایتیش خصوصیده کیلیشیب آلیشلرینی ایسته گن. او افغانستان جاری وضعیتی نی اوته قلتیش اتب، حقیقی همکارلیکلر عملگه آشیریلیشی کیره ک لیگینی اورغوله گن. بیرلشگن ملتلر تشکیلاتی نینگ افغانستانده گی سوزچیلریدن نظیف الله سالرزی بی بی سی بیلن بولگن صحبتیده، نامزدلر بیرگن وعده لریگه توختشلری ضرورلیگینی تاکیدله گن:"بیرلشگن ملتلر تشکیلاتی سیلاوگه غلبه قازانگن نامزد رهبریتی استیده ملی بیردملیک حکومت تشکیل ایتیلیشیدن حمایت بیلدیره دی. سرطان ای نینگ 21 بیرینچیسیده ایککی نامزد بوخصوصده کیلیشگن ایدیلر شونینگ دیک اسد آی نینگ 17 نچی سیده ایککی نامزد ملاقات اوتکزیب الدینکی کیلشوو اساسیده ملی بیردملیک دولت تشکیل ایتیشی باره سیده تاکیدقیلدیلر. افغانستانده گی موجود قینچلیک لرگه قره گنده، و ثبات و بیردملیک کوچله نیشی اوچون حقیقیی مشارکت گه نیاز بار دیدی سالارزی جنابلری". بیرلشگن ملتلر تشکیلاتی نینگ افغانستانده گی وکیلی یانکوبیش عالملر کینگشی اعضالری بیلن اوچره شیب، آلدینگی کیلیشوو اساسیده ملی بیردملیک حکومت تشکیل ایتیلیشینی حمایه قیلیشی نی ایتگن. بوندن آلدین هم بیرلشگن ملتلر تشکیلاتی و دنیا نینگ مهم دولت رهبرلری ایکله نامزدنینگ کیشلیب، بیر حکومت تشکیل ایتیشگه اونده گن ایدی. عین دمده، افغانستان مستقل سیلاوکمیسیونی رایلرنی تیکشیریش جریانی نینگ سونگی باسقیچلری یکونله نیب، اوچ کونگه قدر شکایت لرنی تینگلش کمیسیونیگه یوباریلیشی ممکن لیگیدن خبربیرگن. گرزیوانی جنابلریگه کوره، تیکشیریش نتیجه سی شکایتلرنی تینگلش کمیسیونی تمانیدن کوریب چیقیلیب، قیته سیلاو کمیسیونیگه یوباریلیب نهایی نتیجه بو کمیسیون تمانیدن اعلان ایتیله دی. بیراق سیلاو نتیجه سی انیق قچان اعلان ایتلیشی حاضرگه قدرهم معلوم ایمس. اما عبدالله عبدالله گه رقیب اشرف غنی احمدزی تیمی یقین آره ده پایتخت کابلده مطبوعات انجمنی اوتکزیب سیلاو باره سیده گی موقعینی اعلان قیلیشی ممکن. عبدالله عبدالله و اشرف غنی احمدزی سیلاو تیم لری ملی بیردملیک حکومت تشکیل ایتیش اوچون کیلیشگن؛ بیراق ینگی کابینه ده تشکیل ایتیلیشی ریجه لنگن اجراییه لوازمی قنده ی صلاحیتگه بولیب بولمسلیگی اساسی جنجاللرگه سبب بولیب کیلماقده.