بدخشان ده تورت تومن یولی یاپیلیب قالگن

بدخشان مرکزی فیض آباد و اشکاشم شاه یولی آره سیده جایلشگن اساسی بیر کوپریک طالبان عصیانچیلری تامانیدن ویران ایتیلگنی باعث اوشبو ولایت نینگ تورت اولوسواللیک یولی یاپیلیب قالگن.

وردوج تومن حاکمی دولت محمد خاورنینگ ایتیشیچه مذکور تومن نینگ " کزده " قیشلاغیده قرار تاپگن بو کوپریک بوندن آلدین طالبان تامانیدن ویران ایتیلگن. بو کوپریک ویران ایتیلیشی بیلن نه فقط وردوچ بلکه، زیباک، اشکاشم، واخان و شیغنان یشاوچیلری قطار قیینچلیک لر بیلن دوچ کیلیشی ممکن. اگربویول آچیلمسه، زیباک، اشکاشم، واخان و شیغنان یوللری کسیلیب قالیب منطقه یشاوچیلری اقتصادی قیینچلیک لر بیلن روپه را بولیب و تومنلرده گی قیته قوریش ورواجلنتیریش ایشلری توختب قالیشی ممکن."

بو کوپریک داوود حکومتی دوریده قوریلگن کوپریک لردن بیری. "کزده" کوپریکی اشکاشم تومنی نینگ بدخشان ولایتی مرکزی بیلن باغله یدی.

بویول آرقه لی کونیده اونلب کته وکیچیک نقلیه واسطه اوتیب قیته دی.

وردوج تومنی نینگ حاکمی دولت محمد خاور دولت مخالف لری بو کوپریک نی ویران ایتیش مقصدیده بولگنی نی ایتیب اما اوزلری اوتیب قیتیشی اوچون فقط کوپریک نینگ ایکی تامانیده خندق قازگن لردیدی.

بوبیلن نقلیه واسطه لرنینگ اوتیب قیتیشی آلدی آلینگن.

طالبان نینگ بوتومنده فعال لیگی سبب وردوج تومنی نینگ یولی نقلیه واسطه لریوزیگه ییتی آیدن بیری یاپیق ایدی.

اما بویولدن زیباک، واخان، شغنان واشکاشم اولوسوالیک لری اهالی سی فایده له نردی.

بوندن تشقری بو ولایت نینگ کوپچیلیک اهالی سی تورلی حدودلربوجمله دن پامیر وتاجیکستان بیلن قوشمه بازارده سفر قیلیشردیلر.

اهالی گه کوره اگر تیز آره ده بو یول اوتیب قیته دیگن نقلیه واسطه لر یوزیگه آچیلمه گن تقدیرده، بویولدن باریب کیله یاتگن اهالی نینگ تورلی خیل قیین چیلیک لربیلن روپه رو قیله دی. همده بو ولایت اهالی سی نینگ تشویش لرینی کون اوتیشی بیلن آشیریب یوباریشی ممکن لیگی ایتیلیماقده.