امنیت اداره سی: آدم اوغیرلاوچیلر گروهی رهبری قولگه آلیندی

Image copyright NDS

افغانستان ملی امنیت اداره سی افغانستان وتشقریدن بیرقنچه آدم اوغیرلش واقعه لرینی رهبرلیک قیلگن آدم اوغیرلاوچیلر گروهی باشلیغی پایتخت کابل دن قولگه آلینگنیدن خبربیردی.بوشخص تاجیکستان وانترپول پولیس نینگ قره رویخطی گه هم کیریتیلگن ایکن.

افغانستان ملی امنیت اداره سی سوزچیسی حسیب صدیقی بوکونکی اوتکزگن مطبوعات انجمنیده، ادم اوغیرلاوچی گروه باشلیغی رییس خدایداد ایککی یولداشی بیلن کابل شهری نینگ بیشینچنی ناحیه سیدن 36 ساعت دوام تارتگن عملیات جریانیده توتقینگه آلینگنینی ایتدی.

اونینگ ایتیشچه بوشخص ایککی یولداشی بیلن قورالدن فایده له نیشگه حرکت قیلگن، اما اوق اچیشگه موفق بولمه گن لر.

صدیقی جنابلریگه کوره، توتقینگه آلینگن شخص قطار واقعه لرگه قولی بولگنلیگینی ایتیب بوحقده شوندی دیدی:"بوشخص ننگرهار، خوست قندوز ولایت لریگه باریب قیترایکن،همده ساخته کیملیک دن فایده له نیب پاکستان، تاجیکستان، وعرب امیرلیک بیرلشمه ممکلکت لریگه هم حیات اوتکزگن، شوباعث بو شخص اوته خطرلی جنایتچی اته لیب تاجیکستان پولیسی وانترپول پولیسی نینگ قره رویخطیگه کیرتیلگن ایدی."

افغانستان ملی امنیت اداره سی قولگه آلینگن شخص نی اینگ خطرلی جنایتچی و ظالم اتب قتل ، آدم اوغیرلش، اوغیرچیلیک واقعه لریگه قول بولگنلیککه عیبله گن. شونینگدیک بواداره تامانیدن ترقه تیلگن خبرنامه ده رییس خدایداد ناملی شخص نیچه ییلدن بیری شوندی " جنایت " لرگه قولی بولگنی تاکیدلنگن.

سونگی بیرنیچه ییل ده پایتخت داخل قطار ولایت لریده آدم اوغیرلش واقعه لری ارتیب باره یاتگنیدن شکایت لر بیلدیریلماقده.