سیلاو کمیسیونی: سیلاو نتیجه سی ایرته اعلان ایتیله دی

افغانستان سیلاو مستقل کمیسیون نینگ خبرقیلیشیچه ایککینچی دور جمهوررییسلیک سیلاو نتیجه سی ایرته اعلان ایتیلیشی ممکن، اوشبو کمیسیون سوزچیسی نور محمد نورگه کوره،کمیسیون رهبرلری اشتراکی بیلن اوتکزیلگن یغینده بو قرارآلینگن.

سیلاو مستقل کمیسیون سوزچیسی نور محمد نور سیلاو نتیجه سی نینگ سیاسی مذکره لر نتیجه سیگه باغلیق ایمس لیگینی اورغولب هرقندی شرایط ده سیلاو نتیجه سی ایرته اعلان ایتیلیشیگه امیدبیلدیردی.

عینی حالده، نور جنابلری بوکونکی اوتکزگن مطبوعات انجمنیده خلق ارا و ملی نظارت چیلر حضوریده تفتیش جریانی عملگه آشیریلگنینی اورغولب شوباعث هم سیلاونتیجه سی اکثریت گه قبول قیلینرلی بولیشی ممکن لیگینی تاکیدله دی.

همده سیلاو کمیسیون سوزچیسی تفتیش نتیجه سی اساسیده قولگه کیلگن نتیجه اوزگرمسدن اعلان ایتیلشینی تیلگه آلدی.

نورجنابلریگه کوره، سیلاو مستقل کمیسیون نینگ تخنیکی بولیمی شکایت لرنی تینگلش کمیسیونی نینگ نهایی قرارینی سیستم گه کیرتیش ایشی بیلن شغللنیب کیلماقده.

بوندن آلدین شکایت لرنی تینگلش کمیسیونی، نهایی قرارینی سیلاو مستقل کمیسیونیگه یوبارگن ایدی، بوقرار اساسیده 118 محل رایلری بیکار قیلینیشیگه قرار آلینگن.

سیلاو قانونی اساسیده سیلاو کمیسیونی 24 ساعت گه قدر اعتراض بیلدیریشگه حقلی.شونگه قره گنده سیلاو کمیسیونی بوحقده گی اعتراضی نی شکایتلرنی تینگلش کمیسیونیگه یوباردی.

شکایت لرنی تینگلش سیلاو مستقل کمیسیونی اوتگن اقشام سیلاو کمیسیون مکتوبیگه جواب بیریلگنینی اورغولب 118 محل رایلرینی بیکار قیلیش قراری اوزگرمسلیگینی تاکیدله گن.

باشقه تاماندن جمهوررییس حامدکرزی برهان الدین ربانی نينگ اوچينچي اولیمی ييلليگي مناسبتي بيلن اوتكزيلگن مراسمده سیلاو معماسیگه عاید خوش خبرلر موجود لیگینی تيلگه آلدي:" اوزلرینگیز بیله سیز شو کونلر مین کوپ مصروف من، تیزراق کیتیب ینه بیر مجلس ترتیباتینی الماقچی من. بو یغینده خدا خواه له سه نامزد و جهادی رهبرلر اشتراک ایته دی." هرچند اوتگن کون ایککی نامزد ملی بیردملیک دولت تشکیل ایتیش اوچون کیلشووگه ایریشگنلری ایتیلدی. اما حاضرگه قدرهم کیلشوو بتیمی امضالنمه گن.