اشرف غنی احمد زی افغانستان جمهور رئیسی بولدی

Image copyright AP

افغانستان سیلاولر مستقل کمیسیونی ایکینچی دور جمهور رئیسلیک سیلاوی نتیجه سی قنچه آواز وقنچه فایز بولگنی ایتمسدن اعلان ایتدی.

بوکمیسیون اشرف غنی احمدزی نی جمهور رئیس وعبدالله وعبدالله نی ملی بیردملیک حکومتی اجرائیه رئیسی بولگنی نی اعلان قیلدی.

افغانستان سیلاولر مستقل کمیسیونی توشدن کیین ساعت بیشده مطبوعات انجمنی یولگه قوییب جمهور رئیس لیک سیلاونتیجه سینی اعلان ایتدی.

شونینگ دیک او عبدالله عبدالله نی اجرائیه ریسی دیب ایکیسی گه بونی تبریک له دی.

بو کمیسیون نامزدلر قنچه فایز رای آلیب، بیری جمهور رئیس وباشقه بیری هم اجرائیه لوازمی نی ایگگله گنی باره سیده معلومات بیرمه دی.

شونینگ دیک بوکمیسیون تاماندن تیکشیریلگن آوزالردن قنچه آوازبیکار ایتیلگنی وهربیرنامزدگه قنچه آواز تیگیشلی بولگنی نی انیق معلوم قیلمه دی.

نورستانی جنابلریگه کوره آوازلرنی تیکشیریش جریانی نتیجه سی سبب 11945 آواز صندوقی اعتبارگه ایگه بولگنی نی ایتیب و1260محل آوازی بیکارایتیلگن.

شونینگ دیک اونینگ ایتیشیچه 9677محل نینگ آوازلری قیته سنلگنی نی ایتیب وایکله نامزددن یوزمینگلب رای بیکارایتیلگن.

بوندن آلدین ایکله نامزد ملی بیردملیک حکومتی نی تشکیل بیریشی اوستیده آلیب بارگن مذاکره لری نینگ اختلافلی بولگن ماده لردن بیری هم سیلاو نتیجه سی قنده ی اعلان ایتیلیشی بولگن ایدی. اما بوگون ایکله نامزد سیاسی کیلیشووگه ایریشدیلر.

ایکله نامزد ایسه کمیسیون تاماندن سیلاو نتیجه سی تفصیلاتی بیلن اعلان بولمسلیگی باره سیده کیلیشگن.

سیلاولر مستقل کمیسیونی رئیسی جمعیت گه الکترونیکی کیم لیک ترقه تیلمه گنی ومملکتده امنیت بولمه گنی نی سبب سیلاوده یوزبیرگن ساخته کارلیک لر خلق ارا معیارلرگه برابر تیکیشیریلیشی بیلن قلابلیک حاللریر تولیق آلدی آلینمه گنی نی تاکیدله دی.

سیلاولرمستقل کمیسیونی سیلاونتیجه سی اعلان ایتیشی بیلن خبرنگارلردن سوال آلمی مطبوعات انجمنی نی یکونلنتیردی.

عین حالده عبدالله عبدالله گه طرفداربولگن قدرتلی بلخ حاکمی عطا محمد نورسیلاونتیجه سی اعلان ایتلگنی نی خوش قرشیله دی.

اما او بوندن آلدین سیلاوده عدالت رعایت ایتیلمی وسیلاونتیجه سی اشرف غنی احمد زی منفعتی گه اعلان ایتیلگن تقدیرده بونی قبول قیلمی مدنی اعتراض لریولگه قوییشی بیلن آگاه لنیترگن ایدی.

اونینگ مناسبتی یومشب وجریان دن راضی بولیشی نتیجه اعلان بولمسدن نیچه ساعت آلدین ایکله نامزد ملی بیردملیک حکومتی گه نهایی کیلیشووگه ایریشیب شرطنامه نی امضاله گن لری بیلن باغلیق بولیشی ممکن.

افغانستان جمهور رئیسلیک سیلاوی نینگ بیرینچی باسقیچی 17حملده بولیب اوتدی.

نامزدلردن هیچ بیری 50دن آرتیق آواز آلمه گنی سبب سیلاو ایکینچی دورگه کیتدی.

کمیسیون تاماندن ایکینچی دورنینگ دستلبکی نتیجه سی اعلان ایتیلیب بونگه اشرف غنی یوقاری آواز آلگنی آرتیدن عبدالله عبدالله اعتراض بیلدیریب سیلاوده کینگ ساخته کارلیک یوزبیرگنی نی معلوم قیلدی.

بیرلشگن ملت لرتشکیلاتی وامریکا واسطه چیلیگی بیلن ملی بیردملیک حکومتی تشکیل ایتیلیش لایحه سی تکلیف ایتیلدی.

عین دمده برچه آوازلرتیکشیریلیشی باره سیده هم قرارآلیندی. ایکله نامزد بونی قبول قیلدیلر.اما مذکورحکومت توزیلیشی اوستیده کیلیشووگه ایریشمه گن لری سبب بوجریان آی لرچوزیلیب سیلاو نتیجه سی اعلان ایتیلمه دی.

نهایتده بوگون ایکلله نامزد دواملی مذاکره لرآرتیدن نهایی کیلیشووگه ایریشیب شرطنامه امضاله دیلر.

شرطنامه ده ایکله تیم اورته سیده قدرت بولینیب ملی بیردملیک حکومتی نی آلغه آلیب باریش لری معلوم قیلینگن.