'غزنی ده طالبان اونلب کیشی نی هلاک ایتگن'

جنوبی غزنی ولایتی رسمی لری گه کوره طالبان بو ولایت نینگ اجرستان تومنیده اونلب کیشی نی توتقونگه آلینیب کمیده اون کیشی نی باشینی تنه سیدن جداقیلیشگن.

بو ولایت رسمی امنیتی کوچلر بو تومن نینگ آلتی کیلومترلیگیده جایله شیب وتوقنه شوودوام ایته یاتگنی نی ایتدی.

امنیتی رسمی لرنینگ معلوم قیلیشیچه حاضرگچه 20عصیانچی اولیب و15کیشی هم یره لنگن.

غزنی ولایتی حاکمی اورین باسری محمد علی بی بی سی گه اوتگن ایکی هفته آقیمیده یوزبیرگن اوروشده کمیده70نفرهلاک بولگنی نی ایتدی.

اونگه کوره: طالبان اجرستان تومنی نینگ مشرف ومقرقیشلاق لرینی نظارت لریگه اوتکزگن دن کیین 70دن آرتیق اوینی اوتگه تارتیب و15نفرنی هم دولت گه همکارلیک قیلیش عیبی بیلن باش لرینی کیسیب اولردن بیرقطارلری عیاللروباله لربولگن.

غزنی ولایتی حاکمی اورین باسری نینگ ایتیشیچه طالبان زمانوی آغیرقوراللر بیلن قوراللنگن واجرستان دن حمایت ایتیش اوچون غزنی مرکزیدن محلگه قوشیمچه کوچلرسفربرایتیلگن. یولده پیستیرمه گه اوچره ب وارجستاگه باره دیگن یوللرده ماین اورنه تیلگنی امنیتی کوچلرگه معما یره تگن.

غزنی حاکمی اورین باسری نینگ ایتیشیچه اگرهوا کوچلری ومخصوص کوچلریاردم ایتمه گن تقدیرده بو تومن طالبان تصرفیگه اوته دی. وانسان فاجعه روی بیریشی دن آگاه لنتیردی.

اما ولایت کینگش باشلیغی عبدالجامع جامع بی بی سی بیلن بولگن صحبتیده هلاک بولگن لرسانی یوزنفردن آرتیق دیب ایتدی.

اونینگ معلوم قیلیشیچه طالبان حتی چاروالرنی هم هلاک ایتیب ودرخت لرنی هم کسیب تشله گن.

غزنی ولایتی نینگ ولایت کینگشی رهبری بوندن ایکی هفته آلدین اجرستان وضعیتی خوف لی بولگنی نی مملکت نینگ امنیتی رسمی لری بیلن اورته گه قویگن لرینی ایته دی. اما اونگه کوره امنیتی رسمی لر بومساله جدی اعتباربیرمه گن لر.

حالبوکی اوتگن هفته غزنی ولایتی حاکمی نینگ اورین باسری بوولایت مرکزی بیلن 5تومن یولی ده ماین اورنه تیلگنی نی معلوم قیلگن ایدی.

اجرستان تومنی بوولایت مرکزی دن اینگ اوزاق حدودبولیب 120کیلومترمسافه سی بار.

اجرستان غرب تامانده ارزگان بیلن شمال تامانده دایکندی ولایت بیلن چیگره داش بولگن.

اوتگن ییللرده بوگروه اوشبوتومن نی اوز نظارتی گه اوتکزیش اوچون کوپگینه سعی وحرکت لر قیلیب کیلگندی.

سپتمبرآی نینگ باشیده غزنی ولایتی مرکزی طالبان تاماندن کینگ هجوم گه توتیلدی.

اوشبو هجومده 19خودکش شخص بو ولایت نینگ ملی امنیت اداره سیگه هجوم قیلیب نتیجه ده 3نفرهلاک بولیب و136هم کیشی تن جراحتی آلیشگندی.