فاریابده یوزبیرگن پارتلش ده بیر کیشی اولیب 23 کیشی یره لندی

فاریاب ولایتی نینگ پلیس اداره سی سوزچیسی سید مسعود یقوبی گه کوره، بایسیکل گه جایلشتریلگن پارتلاوچی ماده میمنه شهری نینگ گوجوم بولگن میسره جاده سیده پارتله گن. نتیجه ده بیرکیشی اولیب 23 کیشی یره لنگن.

حادثه محلی وقت بیلن ساعت اون بیر اطرافیده یوزبیرگن.

فاریاب پلیس اداره سی سوزچیسی سید مسعود یعقوبی بی بی سی بیلن بولگن صحبتیده هلاک و یره لنگن لر عادی اهالی بولگنینی معلوم قیلیب یره لنگن لر اره سیده باله لر وعیاللرهم موجودلیگینی تیلگه آلگن.

یره لنگن لرنینگ ایریم لری وضعیتی آغیر بولگنی ایتیلماقده.

حاضرگه قدر حادثه مسوولیتی نی هیچ بیرگروه یاشخص اوز ذمه سیگه آلمه گن،اما محلی رسمیلر حادثه نی طالبان عصیانچیلریگه نسبت بیرگن.

افغانستان شمالیده جایلشگن فاریاب ولایتی نینگ ایریم اولسواللیک لریده طالبان قوراللی لری انچه فعال بولگن.