ایلکبار افغان ضابط لری بریتانیا همکارلیگی بیلن تاسیس ایتیلگن حربی مرکرزینی بیتتیریب چیقدی

Image copyright AP

عین مناسبت بیلن اویوشتیریلگن ییغینده حصه قوشیش اوچون افغانستانگه کیلگن بریتانیا مدافعه وزیری مایکل فالون بریتانیا نینگ افغانستانده گی حربی وناحربی یاردملری دوامی حقیده وعده بیردی.

بوندن بیر ییل آلدین بریتانیا مالی یاردمی بیلن قوریلگن حربی مرکزیدن بیرینچی بار 240 افغان ضابطی فراغت حاصل قیلدی.

عین مناسبت بیلن اویوشتیریلگن ییغینده صحبت قیلگن بریتانیا مدافعه وزیری مایکل فالون بو مرکزنی بیتیرگن ضابط لر داخل افغان حربیلری سانی 350 مینگگه یتیشیشدن خرسندلیک بیلدیردی. همده او سن هرس ویا مارشال فهیم نامیگه منسوب قیلینگن حربی مرکز جهان معیارلریگه برابر ایکنلیگینی تیلگه آلیب مذکور حربی مرکزنی بیتیرگن شخصلر ملی اردوی کوچلرینی رهبرلیک قیلیش قابلیتیگه ایگه ایکنینی تاکیدله دی.

عین حالده، بریتانیا مدافعه وزیری فالون جنابلری اوشبو مملکت نینگ افغانستانده بولگن یاردم لری دوام ایتیشی وعده سینی بیردی:"جاری میلادی ییل آخرلریده بریتانینگ افغانستانده گی اوروش ماموریتی یکون تاپه دی بو ماموریت دن مقصدهم تروریست لرنینگ افغانستان دن امن مکان صفیتده فایده لنمسلیگی ایدی. بوگون افغانستان همه نرسه گه ایگه کیله جگینی تضمین قیله آله دی. ضمانت یوق اما افغانستان حاضرگی شرایطده منطقه بویچه یخشی فرصت گه ایگه بیزنینگ افغانستان اوچون یاردملریمیز اوزون مدت حربی وناحربی بولیم لرده دوام ایتیشی ممکن".

عین دمده، اوشبو مراسمده سوزگه چیققن افغانستان مدافعه وزیری بسم الله محمدی ناتو کوچلری نینگ افغانستان دن چیقیب کیتیشینی خوش قرشیله دی:"کیله جک تورت آییده خوف برچه خوف سیزلیک مسوولیت لری افغان امنیتی کوچلری ذمه سیگه توشه دی،بیز ناتوکوچلری نینگ چیقیب کیتیشینی خوش قرشیلیمیز، ملی اردوکوچلری نینگ قابلیت لری و کوچلری تورلی بولیم لرده آشگن".

افغان امنیتی کوچلری نینگ جهازلنتیرش ومشق تیارگرلیک دن اوتکزیش اوچون قطار برنامه لر یولگه قویلیب کیلینماقده.بریتانیا یاردمی بیلن قوریلگن حربی مرکز بو برنامه لرنینگ بیرقسمی دیر.

ناتو کوچلری خوفسیزلیک مسوولیت لرینی تورت مرحله ده افغان امنیتی کوچلریگه تاپشیردی.بیشینچی یعنی نهایی مرحله کیله جک تورت آیده عملی بولیشی ریجه لنگن. شوندی ایکن ینه بیر بار افغانستان مدافعه وزیری جاری ییل افغان امنیتی کوچلری اوچون اینگ قانلی ییل بولگنینی تیلگه آلدی. اما او، قوراللی عصیانچیلر هجومیلرینی کوپیتیرگن حالده هم اساسی هدف لری یعنی ولایت و تومنلرنی باسیب آلیش و شاه یوللرینی کیسیب قوییشگه قادر بولمه گنینی ایتدی.

شونینگ دیک، افغانستان مدافعه وزیری بسم الله محمدی جنابلری ملی اردو کوچلری سیاسی نقطه نظردن بیطرف قالیشلریگه ایشانچ بیلدیردی.