ژنرال دوستم 'طالبان بیلن ملاقات گه تیار '

جمهوررییسلیک سرایده یوزلب طرفدارلری واسلامی جنبش حزبی اعضالری حضوریده سوزگه چیققن ینگی جمهوررییس بیرینچی اورین باسری ژنرال عبدالرشید دوستم افغانستاننی حاضرگی وضعیتی دن قوتقه ریش لازملیگینی تاکیدله دی.

همده او ینگی جمهوررییس ایزین بیرسه 'طالبان بیلن توغریدن توغری علاقه قوریشگه تیار ' ایکنینی تیلگه آلدی.

دوستم جنابلریگه کوره ، افغانستانده اوزاق ییللیک اوروشلرگه نقطه قوییشی نینگ وقتی ییتگن.

.افغانستان شمالیده کتته قدرت گه ایگه بولگن بو سیاستچی نینگ تاکیدقیلیشیچه، اوروشدن هیچ بیر ایش چیقمه گن و ایندی گی یول فقط صلح و مدارا بولیشی کیره ک، بو ژنرال دوستم نینگ افغانستان ینگی جمهوررییسی بیرینچی معاونی صفتیده بیان ایتگن ایلک سوزی بولدی.

شونینگ دیک جناب دوستم اوز چیقیشیده افغانستان ده چقور ییلدیز آتگن اداری فساد معماسی گه هم علیحیده توخته لیب اوتدی. اگر سونگی ییلرده افغانستان ده اوتکزیلگن ایریم سروی نتیجه لریگه تیه نیلسه فساد افغانستان خلقی اوچون اساسی معما

جناب دوستم اوز طرفدارلریده فسادگه قرشی کوره شیش همه میزنی اساسی بورچی میز دیب فکر بیلدیردی:" سیزپاره بیرمه سنگیز هیچ کیم سیزدن پاره آله المیدی. دین عالملری و اقسقاللردن طلبیم شوکی فسادنی الدینی آلیش اوچون جدی سعی قیلسین لر. بیزنینگ حکومتی میز فسادگه باتگن بیر حکومت صفتیده تانیلمه سین." دیدی او.

شونینگ دیک جمهوررییسلیک سرایده اویوشتیریلگن بو یغینده سوزگه چیققن ینگی جمهوررییس اشرف غنی احمدزی سیلاو الدی تبلیغی برنامه لر جریانیده بیرگن وعده لرینی عملی قیلیشینی سوزبیردی.

همده او، افغانستان ده رایج بولگن تیللر اینیقسه ترکی تیللر فخرگه سزاوار ایکن لیگینی تاکیدله دی.

کمپاین جریانیده قطار شمالی ولایت لرده سفر قیلگن جناب غنی اوزبیک و ترکمنی تیللرینی رواجلنتیریش اوچون جدی اعتبار قره تیشینی وعده قیلگن ایدی. همده شمالی ولایت لرده سوو وبرق توغانلرینی قوریش زراعت گه اعتبار قره تیش اونینگ باشقه وعده لری ایدی.

ینگی جمهوررییس وعده لرینی عملی قیلیشگه امین ایکن لیگینی تاکیدلب بو مملکت ده اوزگریش الیب کیلیشگه ایشانچ بیلدیردی.

ایرته دوشنبه کونی بیرقنچه تشقی وایچکی مهمانلر اشتراکی بیلن تحلیف مراسمی بولیب اوتیشی ریجه لنگن، بو مراسم دن سونگ ینگی جمهوررییس ایشی رسمن باشلنه دی.