احمد ضیا مسعود قسم یادگه کیلتردی

افغانستان نینگ ینگی جمهور رئیسی اشرف غنی احمد زی اوزی نینگ اصلاحات و باشقرونی یخشی لش بویچه مخصوص وکیلینی تانیشتیریش اوچون قسم یادگه کیلتریش مراسمینی تشکیل لشترگن.

یولگه قوییلگن مراسمده احمد ضیا مسعود، احمد زی جناب لرنینگ مخصوص وکیلی اولراق قسم یادگه کیلتردی.

مراسم ده صحبت لشگن جناب غنی احمد زی " یخشی باشقرو پروژه ایمس لیکن افغانستان اهالی سی نینگ حقی دیر" بو سیز اهالی نینگ "شرعی و قانونی " حق لری تامین لنمیدی دیب ایتگن.

او ملی بیردملیک حکومتی ، یخشی باشقرونی یولگه قویشگه عهد قیلگن و بو جریان بوتون افغانستان بویچه عملگی آشیرلیشی کیرک دیب ایتگن .

ایلگری ده بولگن هر ایکلله سیلاو تیم نینگ شعاری افغانستان ده اوزگریش کیلتریش بولگن .

ملی بیردملیک حکومت نینگ اجرائی باشلیغی و اونینگ معاون لری بو مراسم ده حضور تاپمه گن لر.

اصلاحات و حکومت دارلیک بویچه جمهور رئیس نینگ مخصوص وکیلی نینگ ایتیشیچه افغانستان، قشاقلیک، سیاسی ناقرارلیک، و تینچ لیک معما لریگه دوچ کیلگن. اونگه کوره بو معما لرگه ایچیم یولینی تاپیش اوچون مملکت نینگ تورلی ساحه لریده اصلاحات کیلترلیشی کیرک.

مسعود جناب لری نینگ ایتیشیچه ایسکی اداری توزوم افغانستان ده اداری فساد گه سبب بولگن. اونگه کوره اهالی احتیاح لریگه جواب بیروچی ینگی توزوم مملکت ده یولگه قوییلیشی کیرک.

مسعود جناب لریگه کوره دولتی اداره لرده کی مامور لر و اهالی اره سیده ناقانونی کیلشو لرگه برهم بیریش اوچون آره ده مسافه یره تیش کیرک.

افغانستان نینگ ینگی جمهور رئیسی اوزی نینگ بیرینچی کون لریده مملکت بویلب تمل اصلاحات لرگه قول اوریب ، فساد گه قرشی کوره ش وعده سینی بیرگندی .