"عیال کیشیگه استدیومگه کیم قوییبدی!..."

اوز جماعه سی نینگ مغلوبیتیدن یانیب، کوییب استدیوم نی باشیگه کوترگن سعودیه لیک فوبتال مخلصیسیگه مملکتی ایرککلرنینگ مناسبتی انه شونده ی بولیبدی.

اجتماعی ملاقات ترماقلرینی قیزیتگن دن قیزیتگن باقیه نینگ اوزی ایسه، آسیا مسابقه لری لیگی نینگ یریم فینال اوچره شوویده یوز بیریبدی.

میزبان بیرلشگن عرب امیرلیکلری نینگ "ال ـ عین" جماعه سی سعودی عربستانی نینگ کیمسن "ال ـ خلیل" نی 2:1 حسابیده مغلوب ایترکن، مخلصه قیزگینه نی هم توشونسه بوله دی.

باشدن، ایاق قال ـ قاره ابیه یاکی نقاب ده بولگن قیزنینگ ایرککلر تولسه استدیون دن توریب، سیویملی جماعه سی اعضالریگه مشت دوله ییشی عکس ایتگن ویدیو تصویرایسه، یوتوب ده القچان یریم میلیونگه یقین فایده لنووچیلرنینگ اعبتارینی اوزیگه جلب ایتیب اولگورگن.

ویدیو تصویرده، اصلیده ال عین جماعه سی قنده ی قیلیب رقیب اویینچیسینی چلیب ییقیتگنی عکس ایتگن.

بونینگ آرتیدن ایسه، یانیب ـ کوییب ال خلیل گه عشقبازلیک قیله یاتگن قیزگینه کمیره گه توشیب قالگن.

سعودیه لیک ایرکک عشقبازلرنی بیرینچی قدر ایمس، عینآ یورتداش مخلصلرنینگ استدیون ده گی خطی ـ حرکتلری غضبگه کیلتیرگن.

مینگه فوتبال عشقبازی بولمه یدیمی، سعودیه عربستانی نینگ اوزیده خاتین قیز مخلصلرنینگ ایرککلر قطاری استدیونگه باریشلری تحقیقلنگن.

اما بو ییلگی آسیا مسابقه لری لیگی نینگ ایکیته یریم فاینل اوچره شوویدن بیته سی بیرلشگن عرب امیرلیکلریده بولیب اوتمه دیمی، استدیون نی تولدیرگن ایرککلر آره سیده بیر ایمس، بیر نیچه سعودیه لیک فوتبال مخلصلرینی کیریشلری ممکن ایدی.

Image copyright AFP

سعودی عربستانلیک ایرکک عشقبازلر قهر و عضبلرینی یوتوب ده گی انه شو ویدیو لوحه آستیگه توکیب آلیشگن

شونچه ایرکک نینگ آره سیده بو قیزگینه نیمه قیلیب یوریبدی، دیگن موضوعده گی شعارلرنینگ سانی ایسه، اوتگن بیر نیچه کون ایچیده قریب مینگگه یینگن.

اولرنینگ بیریده، "عیاللر فوتبال گه قیزیقمه یدی، شونده ی بولگچ، بو قیزگینه استدیونده نیمه قیلیب یوریبدی"، ـ دیب بیتگن بولسه، باشقه سیده، بو عیال نینگ باشیده ایرکه گی یوقمی؟! عیال کیشی نینگ اورنی اویده"، ـ دیه دغدغه قیلیشگن.

ناراضی ایرککلر اکثریتی نینگ ایتیشیچه، خاتین قیزنینگ استدیومگه باریشی اخلاقسیزلیک و گناه ایشلرگه سبب بوله دی.

غمخورراق دیک کورینگن باشقه لری نینگ نزدیده ایسه، بیرگینه اوزی نینگ استدیوم دن کوره من دیب، خاتین قیزلر اوز شآنی و عار ناموسلرینی خطرگه قوییشلری ممکن.

اوزی هم وقتیده سپورتچی بولگن و حاضر سعودی عربستانیده عیالللر سپورتینی رواجلنتیریش یولیده ایس آلیب باره یاتگن لینه ال ـ مینه ایسه، ایرککلرنینگ بو کبی "غمخورلیک " لریگه عقل ییتمه ی، حیران ایکنینی ایته دی.

"خوددی خاتین قیزلربازار یاکه کوچه کویده تیگه جاقلیکلرگه اوچره مه یاتگن دیک! ... شونده ی ایکن، استدیوم نینگ نیمه فرقی بار؟" ـ دیه او اوز تعجب لرینی اظهار ایترکن، لینه، "نیمه اوچون مین ایرککلرنینگ قیلمیشلری اوچون جواب بیریشیم کیره ک!"، دیه خطاب قیله دی.

اما لینه استه ـ سیکینلیک بیلن بولسه ـ ده، جمعیت ده گی بو کبی قره شلر اوزگریب باره یاتگنینی هم تاکیدله یدی.

"اگر، اون ییل بورونگی احوال بیلن تقاسله سک، حاضر خاتین قیزلرنینگ سپورت بیلن مشغوللنیشلریگه خیریخوا بولگن ایرککلرنینگ سانی انچه گینه"ـ دییدی او.

سعودی عربستانیده گی محللی نشرلرنینگ یازیشلریچه ایسه، حکومت حاضر ایرککلرهم باره دیگن استدیوملرده خاتین قیز عشقبازلر اوچون علیحده بولیملر تشکیل قیلیش مسله سینی تکلیف ایتماقده.

Бу мавзуда батафсилроқ