هلمند پلیس اداره سی مقابلیده انتحاری هجوم یوزبیردی

هلمند ولایتی نینگ پلیس اداره سی مقابلیده یوزبیرگن انتحاری هجومده بیر نفر هلاک و اوچ کیشی یره لندی. هلمندولایت حاکمی سوزچیسی عمرزواک نینگ ایتیشیچه انتحارچی شخص پلیس اداره سیگه کیریشینی مقصد قیلگن ایکن.

هلمند ولایت حاکمی سوزچیسی عمر وزاک بی بی سی بیلن بولگن صحبتیده بوحقده شوندی دیدی:" انتحارچی شخص پلیس کیمیده بولیب پلیس قوماندانلیگی اداره سیگه کیریب باریشگه اورینگن. پلیس تامانیدن انیق لنگنیدن سونگ انتحارچی شخص پلیس اداره سی مقابلیده اوزینی پارتلتگن." دیدی او.

هلمند ولایت حاکمی سوزچسی گه کوره، هلاک و یره لنگنلر پلیس عسکرلری بولگن.بو پارتلش بوگون محلی وقت بیلن ساعت سککیز اطرافیده روی بیرگن.

حاضرگه قدر هیچ بیر گروه بوهجوم مسوولیتی نی اوز ذمه سیگه المه گن، اما دولت مقاملری هردایم شوندی حادثه لرده طالبان قوراللی لرینی مسوول بیله دی.

جنوبی هلمند ولایتیده طالبان قوراللی لری انچه فعال بولگنی ایتیلماقده.

عینی حالده، بو ولایتده افغانستان بویلب کوپ تریاک ایشلب چیقه ریله یاتگنی ایتیله دی. سونگی رسمی معلومات لرگه کوره، افغانستان بویلب ایشلب چیقه ریله یاتگن تریاک نینگ قریب یریمی بو ولایت ده ایشلب چیقه ریله دی.