کابلده انتحاری هجوم یوزبیردی

Image copyright AFP

افغانستان ایچکی ایشلر وزیرلیگی نینگ اعلام قیلیشیچه، بوگون ایرته لب کابل شهریده یوزبیرگن انتحاری هجومده بیرکیشی اولیب اوچ کیشی یره لنگن.انتحارچی شخص چیت کوچلر کاروانی یقینیده اوزینی پارتلتگن.

ایچکی ایشلروزیرلیگی نینگ امنیت بویچه اورین باسری ژنرال بصیر سالنگن توتیر صحیفه سیده بو حادثه بوگون پلچرخی منطقه سیده گی قابل بای محله سیده یوزبیرگندیب یازگن.

اونینگ یازیشیچه، کرولا رسوملی موتریده بولگن انتحارچی شخص اوزینی پارتلتگن.

حاضرگه قدر کابل پلیسی انتحارچی کیم لیگی باره سیده هیچ نرسه ایتمه گن، اما چیت ایللیک کوچلر کاروانی اوته یاتگن بیر پیت انتحارچی شخص اوزینی پارتلتگنی ایتیله دی.

ایچکی ایشلر وزیرلیگی سوزچیلریدن نجیب الله دانش بی بی سی بیلن بولگن صحبتیده مذکور انتحاری هجومده بیر تینچ فقرا یره له نیب و چیت ایللیک کوچلر هم ضرر کورگنینی معلوم قیلدی.

طالبان گروهی حادثه مسوولیتی نی اوز ذمه سیگه آلیب چیت ایللیک کوچلر کاروانی نشانگه آلینگنینی ایتگن.

همده اوشبو گروه توتیر صحیفه سیده بو هجومده اوندن ارتیق چیت ایللیک هلاک ایتیلگنینی ادعا قیلگن.

اوتگن اون تورت کونده پایتخت کابلده اوچ انتحاری هجوم یوزبیردی.