کابلده کیتمه کیت یوزبیریب کیله یاتگن پارتلشلرگه عامل نیمه؟

Image copyright .

ینگی حکومت ایشگه باشیی بیلن و امریکا بیلن امنیتی پیمان امضالنگنیدن سونگ پایتخت کابل وایریم ولایت لرده طالبان هجومی آشگن.

ایککی هفته جریانیده فقط کابلده یتتی پارتلش یوزبیریب جانی ومالی تالفات قالدیردی.

طالبان گروهی امریکا بیلن امنیتی پیمان امضالنگن تقدیرده هجوملرینی کوپیتریشی بیلن آگاه لنتیرگن ایدی.

افغانستان ایچکی ایشلر وزیرلیگی امنیت نی یخشی لشتیریش اوچون پلیس قوماندانلرینی ولایت لردن مرکزگه چقیرگن.

ینگی جمهوررییس اشرف غنی احمدزی ایشیدن ایککی هفته اوتماقده، او امنیت نی تامین لش وصلح جریانینی مستحکم لش بیرینچی ایشی بولیشینی اعلام قیلدی.

امنیتی مقاملر بیلن اوچرشگن چاغی خوف سیزلیکنی تامین لش اوچون جدی چاره تدبیر کوریشلرینی طلب قیلدی،اما ایککی هفته اوتیشی بیلن کابل امنیتی یمانلشگن.بیرکون اوته کابل پارتلش گه شاهد بولماقده اوتگن کون کابل شهر نینگ بیشنچی ناحیه سیده بیر ماین پارتلش نتیجه سیده ایککی کیشی اولیب وینه اوچ کیشی یره لندی.

شونینگ دیک ایککی کون الدین خارجیلر کاروانی یولدن اوته یاتگن پیت انتحارچی تامانیدن نشانگه الیندی.

اوتگن ایککی هفته ده پایتخت کابلده یتتی پارتلش روی بیردی. بلخ پلیس اداره سیگه هم ایککی هجومچی باستیریب کیردی. همده سرپل ولایتیده افغان امنیتی کوچلری طالبان پیستیرمه سیگه دوچ کیلیب کمیده 14 عسکر هلاک بولگنی تصدیق لندی.

حربی تحلیلچی اسدالله ولوالوجی خوف سیزلیک وضعیتی یمانله شیشی توغریدن توغری امنیتی پیمان امضالنیشیگه باغلیق ایکنینی تاکیدله دی. طالبان عصیانچیلری امریکا بیلن امنیتی پیمان امضالنگن تقدیرده هجوملرینی کوپیتیریشی بیلن آگاه لنتیرگن ایدی.

بو حادثه لر ارتیدن افغانستان ایچکی ایشلر وزیرلیگی امنیت خصوصیده فکر المشتیریش اوچون ولایت لر پلیس باشلیغ لرینی کابل گه چقیرگن. بویغینده ایچکی ایشلر وزیرلیگی عمر داوودزی پلیس باشلیغ لری نینگ ایریم خطالری سبب تلفات لر رقمی یوقاری کیتگنیگه اشاره قیلدی:"ایریم قوماندانلریمیز وضابط لریمیز اوزلریدن جسارت کورستگن،اما ایریملر جسارت قیلمه گن، اوروش میدانیگه بارمه گن، ضرورت بولگن منطقه لرده بارمه گن لر. بو عسکرلریمیز روحیه سیگه منفی تاثیر قالدیریب تلفات سانی کوپیشگه سبب بوله دی."

شونینگ دیک ایچکی ایشلر وزیری امریکا وناتو دن تروریزمگه قرشی اورشنی مملکت مملکت چیگره لردن تشقری یولگه قوییشنی طلب قیلدی. افغان امنیتی کوچلری فقط مالی وتخنیکی یاردم گه احتیاجمند.

عینی حالده بریتانیا تشقی ایشلر وزیری فیلیپ هاموند اوشبو مملکت پارلمانیگه بیرگن حسابابتیده سونگی وقت لرکابلده امنیتی حادثه لر اوتگن ییلگه قره گنده کوپیگنینی ایتگن.

هاموند جنابلری نینگ بیرگن حساباتی اساسیده جاری میلادی ییل باشله نیشدن اکتبر آیگه قدر 52 هجوم کابلده روی بیرگنی رویخطگه آلینگن.

.