اردوغان کابل گه ییتیب کیلدی

Image copyright EPA

ترکیه جمهوررییسی رجب طیب اردوغان کابلگه کیریب کیلیشی بیلن قیزیق کوتیب آلینگن، بو سفرده جناب اردوغان وجمهوررییس اشرف غنی احمدزی آره سیده استراتیژیک کیلیشوو بیتمی امضاله نیشی کوتیله دی.

اوتگن بیش دهه ده بیرینچی مرته دیرکه ترکیه جمهوررییسی افغانستان گه سفر قیله دی.شوسبب جناب اردوغان نینگ بو سفری اوته اهمیت لی اته لیب اونینگ سفری اوچون ترتیبات هم کوریلگن.

شونینگ دیک کابل غربیده مزاری میدانی و دارالامان قصری اره سیده گی یول اردوغان و احمدزی اشتراکی بیلن اچیلیشی کوتیله دی، بو یول ترکیه نینگ مالی یاردمی بیلن قوریلگن.

ایککی کون الدین کابل شهری نینگ غربیده امنیتی چاره تدبیرلر کوریلیب یول نینگ ایککی تامانی بیزه تیلگن.

ترکیه دولتی تروریزم گه قرشی کوره شیش، قیته قوریش خصوصیده افغانستان نینگ مهم حمامیلریدن بیری حساب لنه دی.

بومملکت نینگ 393 عسکری افغانستانده فعالیت آلیب باره دی، اما اوروش میدانلریده اونچه لیک اشتراک ایتمیدی شوباعث ترکیه عسکرلری اوروش میدانیده تلفات کورمه گن.

نیچه ییلدن بیری ترکیه دولتی افغانستان و پاکستان اره سیده گی علاقه لرنی مستحکم لش اوچون سعی وحرکت لرنی یولگه قوییب کیلماقده. بوخصوصده اوچ مملکت رهبرلری اشتراکی بیلن انقره ده نیچه بار مذاکره هم اوتکزیلدی.

ترکیه افغانستان بیلن تاریخی علاقه گه ایگه و پاکستان بیلن هم استراتیژیک علاقه سی بار. ترکیه رهبرلری بو علاقه لردن فایده له نیب کابل واسلام آباد اره سیده واسطه چیلیک قیلیش نیتیده بولگن.