" کابل بانک بحرانیگه عیبلنگن برچه شخصلرنی توتقینگه آلیش پلیس صلاحیتیدن تشقری"

کابل پلیس قوماندانلیگی کابل بانک مالی بحرانیگه قولی بارلیککه عیبلنگن شخصلرنینگ برچه سینی توتقینگه کیرتیش پلیس صلاحیتیدن تشقری ایکن لیگینی معلوم قیلدی.

کابل قوماندانی ژنرال ظاهر ظاهربوکونکی اوتکزگن مطبوعات انجمنیده حاضرگه قدر کابل بانک بحرانیگه عیبلنگن شخصلردن یتتی ته سی قولگه آلینگنینی ایتدی.

اما او باشقه عیبدار شخص لرتورلی ضمانت لر اساسیده قاچیب قوتیلیشگه موفق بولگنینی اورغوله دی.

ظاهر جنابلری نینگ ایتیشیچه عیبلنگن شخصلردن ایککی ته سی هند وطنداشی بولگن. اولر هندوستان نینگ کابلده گی ایلچیخانه سی ضمانتی اساسیده آزاد ایتیلگن. کابل پلیسی بو شخص لر انترپل پلیسی همکارلیگی بیلن قیته ریلیشینی طلب قیلدی.

شونینگ دیک ظاهر جنابلری کابل بانک نینگ مسووللریدن ینه اوچ کیشی سی ضمانت اساسیده ازاد ایتلگنینی ایتیب لیکن هیچ کیم دن آت توتمه دی.

همده او ایککی پاکستانلیک هم کابل بانک بحرانیگه قولی بارلیککه عیبلنگنینی ایتدی اونگه کوره، بوشخصلرهم پاکستانگه قاچیب کیتگن لر. ایککی کیشی هم ساخته ضمانت اساسیده درک سیز بولگن.

کابل پلیس باشلیغی گه کوره اولرنینگ توتقینگه الیش پلیس صلاحیت لریدن تشقری

بوندن الدین افغانستان جمهوررییسی اشرف غنی احمدزی ایشی نینگ بیرینچی کونلریده کابل بانک دوسیه سی قیته تیکشیریلیشی گه قرار صادرایتدی.

جمهوررییس کابل بانک بحرانیگه قولی بولگن شخص لر توتقینگه آلینیب بو بانک دوسیه سی تیزلیکده حل ایتیلیشنی پلیس و قاره لاوچیلیک اداره سیدن سوره دی. اما اوچ هفته اوتیشی بیلن عیبلنگن شخصلربرچه سی توتقینگه آلینمه گن.

بو فرمان صادر ایتیلیشی بیلن قاره لاوچیلیک اداره سی کابل بانک بحرانیگه قولی بارلیککه عیبلنگن 19 نفر توتقینگه آلینیشی اوچون فرمان صارد قیلدی. همده اوشبو اداره، بوقضیه تولیق تیکشیریلیشی نی تیگیشلی اداره لرگه بویوروغ بیرگنینی ایتگن ایدی.

ایتیلیشیچه، مرکزی بانک نینگ ایریم ایشچیلری هم توتقینگه آلینیشی گه قرار چیقه ریلگن شخصلر جمله سیده ایکنی ایتیله دی. همده مرکزی بانک اورین باسری وملی بانک رییسی قاچیب گیتگنی باره سیده هم خبرلر موجود . اما رسمی منبع لرتامانیدن حاضرگه قدرتصدیق لنمه گن.