افغانستان پارلمانی امریکا بیلن امضالنگن شرطنامه نی تیکشیره دی

Image copyright AFP

اشرف غنی احمد زی بیرینچی کونی رسمن ایش باشله گنیده افغانستان بیلن امریکا اورته سیده گی خوف سیزلیک شرطنامه امضالندی وبونی تصدیقلش اوچون پارلمانگه جونتدی.

بوشرطنامه نینگ امضاله نیشی احمدزی حکومتی نینگ مهم ایشلریدن بیری.

بوکیلیشوونامه اوتگن ییلی افغانستان سابق جمهور رئیسی حامد کرزی بیلن امریکا جمهور رئیسی بارک اوبا تاماندن امضاله نیشی کوتیلردی، اما کرزی جنابلری بوندن باش تارتیشی سبب امضاله نیش موضوعی آرتده قالدیریلدی.

غنی جنابلری سیلاوکمپاینیده سیلاوده غلبه قازانگن تقدیرده بوشرطنامه نی امضاله شی خصوصیده سوزبیرگندی.

او بیرینچی کونی رسمن ایش باشله شی بیلن ملی امنیت کینگشی مصلحتچیسی حنیف اتمرگه بوشرطنامه نی جیمزکانینگهم وناتونینگ ناحربی بولیمی وکیلی موریس یوخمس بیلن امضالشی باره سیده بویروغ بیردی.

افغانستان مجلسی کاتبی سید اکرام اکرام بی بی سی بیلن بولگن صحبتیده بو کیلیشوونامه لرمجلسگه ییتیب کیلگنینی ایتدی واونگه کوره بوشرطنامه حاضرگی کونده مجلس نینگ خلق ارا علاقه لرکمیته سیده تیکشیریلماقده.

اونینگ ایتیشیچه مجلس نینگ خط- حرکتی ده بوکمیته تیکشیریشی آرتیدن 17کمیته فکری اورگه نیله دی وکمیته لررهبرلری تصدیقی دن اوتیشی بیلن مجلس نینگ عمومی ییغینیگه تقدیم ایتیله دی.

اکرام جنابلری بو کیلیشوونامه ردیا صدیق ایتیلیش احتمالی بولیشی یا بولمسلیگی باره سیده گپیریشدن باش تارتدی.

اما ایریم منبع لربوایکله شرطنامه مجلس تاماندن تصدیقله نیشی ممکن لیگی معلوم قیلینماقده.

ایکی تامانلمه شرطنامه ده امریکا قوشمه ایالاتلری میلادی 2014ییلدن کیین قریب 10000عسکرینی بومملکتده سقله شی ممکن.

بو کیلیشوونامه ده قید ایتیلیشیچه امریکا کوچلری بگرام، مزارشریف، کابل، هرات، قندهار، شیندند، گردیز، هلمند ولایت لریده حربی قرارگاه ده جایلشتیریلیش لری ممکن.