افغانستان مملکت بویلب عیال پلیس کینگشی ایجاد قیله دی

افغانستان ایچکی ایشلروزیرلیگی نینگ اعلان قیلیشچه 34ولایتده پلیس کینگشلرینی تشکیل ایتیش باره سیده قرارآلماقچی.

بوکینگش ایجاد ایتیلیشی بیلن عیال پلیس لرکوپراق پلیس صفیگه قوشیلیب وتورلی قیین چیلیک لری حل ایتیلیشی کوتیله دی.

بوایش عملگه آشیشی اوچون دوشنبه کونی بوکینگش نی ایجادایتیش مقصدیده مملکت بویلب کینگ ییغین پایتخت کابلده یولگه قوییلدی.

بو لایحه اساسیده هرولایت ده بیرپلیس کینگشی ایجاد ایتیلیشی کوتیله دی.

ایچکی ایشلروزیرلیگی رسمی لریدن جنرال حکمت شاهی نینگ ایتیشیچه بوکینگش لرنی تشکیل بیریشدن مقصد عیال پلیس لرنی معمالرینی حل ایتیش بولگن.

حاضرگی کونده 2300عیال پلیس بووزیرلیک نینگ تورلی بولیم لریده خذمت قیله دی.

وافغانستان پلیسی نینگ سانی 157مینگ کیشی ییته دی، بوندن آزفایزینی عیال قتلمی تشکیل بیره دی.

شاهی جنابلریگه کوره کینگش آرقه لی عملگه آشه دیگن ایشلرعیال پلیس لرمعمالرینی حل ایتیش، عیال پلیس لرگه قرشی زوره وانلیک لرنی آلدینی آلیش وخاتین وقیزلرنی پلیس صفی گه کیریش اوچون ترغیب ایتیش دن عبارت بولگن.

او بوکینگش ایجاد ایتیلیشی بیلن بوقبیل معالرحل ایتیلیشیگه امید بیلدیردی.

حکمت شاهی عیال پلیس لری نینگ جمعیت ده توتگن اورنی نی توصیفلب وایچکی ایشلروزیرلیگی نینگ مخصوص کوچلری تاماندن اوتکزیلگن تونگی عملیات لرده هم بوقتلم حصه قوشیشی نی معلوم قیلدی.

اونینگ تاکیدلشیچه عیال پلیس لرنی بیلیمی نی آشیریش اوچون 200عیال پلیس تورکیه گه جونه تیلیشی باره سیده قرارآلینگن.

افغانستان ایچکی ایشلر وزیرلیگی عیال پلیس سانی آشیشی نی بووزیرلیک نینگ مهم ایشلریدن بیری دیب ایته دی. وکیلگوسی ییللرده بوقتلم سانی نی 5 مینگ نفرگه کوتریش مقصدیده بولگن.

بو وزیرلیک ریجه سیگه کوره ایچکی ایشلروزیرلیگی کیلگوسی اون ییلگچه عیال پلیس لرسانی نی 10مینگ کیشی گه کوترماقچی.

اوتگن هفته بیرلشگن ملت لرتشکیلاتی نینگ انسان حقلرینی حمایه ایتووچی بولیمی عیال پلیس لرجنسی زورلش زوره وانلیگی بیلن دوچ کیلیب تورگن لرینی معلوم قیلیب دولت نی بوتوغریده تنقیدله گندی. بو تشکیلات اوتمیشگه نسبتن بوحالت آرتگنی باره سیده خواطربیلدیرگندی.