اوچ نفر تخارلیک ایرانده دارگه آسیلگن

Image caption بوندن آلدین هم تخارلیک لرده بیرنیچه نفر ایرانده دارگه آسیلگندی.

ایران مملکتی تمانیدن مخدره ماده گه عیبدارتنیلگن بیش شخصدن اوچته سی بومملکتده دارگه آسیلیب، بولردن ایکتیه سی اوققه آتیلگنی ایتیلماقده. بومذکورشخصلر تخارولایتی نینگ کلفگان تومنیدن بولگن. تخارولایتی نینگ مدافعه وکیللریدن بولگن اسلام پهلوان نینگ ایتیشیچه، دارگه آسیلگن مذکور شخصلربیلن دولت نینگ قولی بولگن. اونگه کوره، جسدی کیلگنلر یاشی 15 دن تا 20 گچه بولگن. بوشخصلرنینگ هربیری تورت وبیش ییل ایران قماقخانه سیده بولگن. ایتیلیشیچه، تخارولایتی نینگ کلفگان تومنیده گیاهی ماده لرنی قاچاقبر لیک قیله دیگن لرنینگ کته لری بار، اولربیلن بیرگه بوایشده دولت سهمدارلیگی هم ایتیلگن. بوقاچاقبرلرکوپینچه یاش کمبغل ییگیت لرنی بوایشگه بیرمقدار نقدی پول ویاهم عایله سیگه آذوقه بیریش بیلن آلیب کیله دیلر. بونده ی یاشلرنینگ فقط گینه نقدی پول بیلن مخدره ماده اوچون آواره ایته دیلر. بولرنینگ اکثریسینی 18، 19، و20 یشرییگیت لرتشکیل بیره دی. پهلوان جنابلری نینگ ایتیشیگه قره گنده، بومذکورشخصلرنینگ دارگه آسیلگنی سببی، کوپینچه ینگی ریس جمهور اشرف غنی احمدزی تمانیدن افغانستان و امریکا اورته سیده گی خوفسیزلیک پیمانی امضالنیشی ایران دولتی نینگ قرشی ایکنلیگی بولگن. شونینگدیک، پهلوان جنابلری، سابق ریس جمهورکرزی نی گیاهی ماده لرنی قاچاق قیله دیگن شخصلرنی آلدینی آله آلمه گنیده عیبداردیب بیلدیردی. اوتگن ییلی مذکور ولایتگه ایران مملکتی ده دارگه آسیلیب جسدی یوباریلگن شخصلرسانی 85 ته بولگن.