ولایتی کینگش سیلاو نتیجه لری اعلان ایتیلدی

مستقل سیلاو کمیسیونی آلتی آیدن سونگ ولایتی کینگاش نتیجه لرینی بوگون اعلان ایتدی، سیلاو کمیسیون تامانیدن اعلان ایتیلگن رقمگه کوره، اوزلرینی نامزد ایتگن 2700 دن ارتیق شخص دن 458 ته سی ولایت کینگش وکیللری صفتیده موفقیت قازانگن بوندن 97ته سی نی عیاللرتشکیل بیره دی.

بوکمیسیون معلوماتی گه کوره ایرکک نامزدلر اره سیده اینگ بلند رای 20 مینگ عیال نامزدلر دن بیری اینگ بلند توقیزمینگ رای آلیشیگه موفق بولگن.

ایرکک نامزدلردن بیری ایککی رای آلیب اینگ آز رای الگن شخص دیه اعلان قیلندی. اما سیلاو کمیسیونی اینگ بلند رای و اینگ کم رای آلگن شخصلر اسملرینی فاش ایتمه دی.

ولایتی کینگش سیلاوده افغانستان بویلب ییتتی میلیون گه یقین شخص اشتراک ایتگن ایکن. تیکشیرولرجریانیده ییتتی یوزمینگ اطرافیده آواز هم بیکار قیلینگن.

مستقل سیلاو کمیسیون رییسی محمد یوسف نورستانی جمهوررییسلیک سیلاو نتیجه سی خصوصیده دلیللریدن بیری سیلاوشکایت کمیسیونی شکایتگه عاید حجتلرنی تیزده آره ده تیکشیریب جونتمه گنی و یوزه گه چیققن جنجل ولایت کینگاش سیلاو نتیجه لری کیچکیتیریلیب اعلان قیلینیشی گه اساسی سبب لر بولگنینی تاکیدله دی

بوکمیسیون دستلبکی نتیجه گه قره گنده بوگل قنچه فایز اوزگریش کیلگنی باره سیده معلومات بیرمه دی.

اما کمیسیون تامانیدن سیلاوده موفقیت قازانمه گن نامزدلربونتیجه نی قبول قیلیشی نی تاکیدلندی.

سیلاوگه عایدساخته کارلیک لرکمیسیون خادم لری قره تیلگن مساله گه کمیسیون مسووللری توخته لیب اوست لریدن تیکشیروو اوتکزیلیشینی تیلگه آلیشدی.

ولایت کینگش لوازمیگه یول تاپگن وکیللرتیزآره ده سیلاولرمستقل کمیسیونی دن اعتبارنامه قولگه کیریته دی وکیین اوز ایشلرینی رسمن باشله یدیلر.

ولایت کینگاش سیلاو نتیجه سی کیچیکتیریلیب اعلان ایتیلیشی اولوسی جرگه وکیللرینی هم قطار تنقید لری بیلن بیرگه بولدی.

اولوسی جرگه نینگ بوکونگی یغینیده مستقل کمیسیونیده اصلاحات آلیب کیلینیب پارلمانی سیلاوی اوز وقتیگه بولیب اوتیشی اورغولندی.

عینی حالده شفاف سیلاولر بولیب اوتیشی اوچون الکترونیکی تذکره ترقه تیش جریانی تیزلیکده باشله نیشی تاکیدله نیب سیلاولر قانونیده اصلاحات الیب کیلیش مساله سی هم مباحثه ایتیلدی.

شونینگ دیک ایریم ملت وکیللری، ایککی کمیسیون نینگ برچه ایشچیلری برطرف ایتیلیشینی تکلیف قیلدی.

اولوسی جرگه یغینینی رهبرلیک قیلگن خواجه صدیق احمد عثمانی اولوسی جرگه اخرگی ییل ایشی جریانیده سیلاو قانونیگه اوزگریش کیریته آلمسلیگینی تاکیدله دی.

نهایت سیلاو گه عاید نیچه ساعت لیک بحث نتیجه سیز یکون تاپدی.