افغان اوروشیگه امریکا و بریتانیا ده گی مناسبت

Image copyright PA

کته سانده گی غرب قوشونلری عاموی سفر برلیککه کیریشگن و بوتون افغانستان بویلب زوروانلیکلر کوچیگن بیر منظره ده بی بی سی امریکا لیکلردن سونگی افغان اوروشی حقیده گی فکر لرینی سوره گن .

سوروا نتیجه لری امریکا نینگ افغانستانده گی اشتراکی باره سیده خلق نینگ فکری قاق ایککی گه بولینگنینی کورستگن.

یعنی، سوراو اشتراکچی لرنینگ فقط یرمیگه یقین بونینگ مقبول ایش بولگنینی ایتیشگن.

اولرنینگ او چدن ایککی قسمی ایسه، عاموی سفر برلیک آرتیدن افغان حکومتی اوز خلقینی حمایه ایتیش قدرتیگه ایگه ایکنیگه شبهه بیلن قره شر ایکن.

امریکا قوشمه ایالاتی 13 ییل مقدم افغانستانده گی اوروشگه کیرگندی. بوگون ایسه، سوراوده اشتراک ایتگن 28 فایز انسان امریکا اوشبو حربی عملیاتلر طفیلی خوف سیزراق مملکتگه ایلندی، دیگن فکرنی بیلدرماقده.

بی بی سی اوتکزگن سوراو نتیجه سیده دیموکراتلردن کوره جمهوریتچی لر کوپراق قوشمه ایالات لرنینگ حربی سفر بیرلیگی بها گه ایگه بولگن ایش دیب کوریشی معلوم بولگن. بو فکرنی ایتگن جمهوریتچی لر 54 فایزنی، دیموکراتلر 43 فایزنی تشکیل قیلگن .

جمهوریتچی حزبی اعضالری حربی عملیاتلرنی یوقلشده پیش قدم لیک قیلیشگن و عینی پیتده اولر افغان کوچلری امریکا نینگ یاردمی سیز اوز مملکت لرینی حمایه قیله آله دی لر دیگن فکرنی ایتیشلری احتمالدن ییراق.

امریکا جاری ییل افغانستانده گی جنگی وار عملیاتلرینی یکونله شینی ریجه لگن. اما، قریب 9800 عسکر افغان کوچ لرینی تیارلاو دن اوتکزیش و عصیانکارلیکه قرشی عملیاتلرده دستک اوچون مملکتده قالدیرله دی .

بریتانیا لیکلر سلبی راق مناسبتده.

Image copyright AFP Getty

سوراو دن امریکالیکلر بو مساله ده بریتانیا لیکلردن کوره، نیکبین ایکنلری معلوم بولگن. ایککی تماننی سالیشتیرگنده، بریتانیا لیکلر اوشبو حربی نزاع گه سلبی راق مناسبت بیلدریشگن.

خودی شوندی عامه سوراو ی بریتانیا ده هم اوتکزلگن. اونده اشتراک ایتگن 24 فایز کیشیگینه بریتانیا نینگ افغانستان گه قوشون جونه تیش مملکت اوچون ایجابی قدم بولگنینی ایتیشگن.

سوراو قتنشچی لری اوچدن ایککی قسمی بریتانیا نینگافغان اوریشگه اره لشوی قیمتگه توشگنی صرف خراجتلر و قربانگه ارزمسلیگینی ایتگن.

بار یاغی 14 فایزی بریتانیا لیک سوراو اشتراکچی سی افغانستانده گی خلق ارا حربی سفر برلیک اروپا نینگ اوشبو دولتنی خوف سیز راق قیلدیف دیگن فکرنی تصدیق له گن .

بریتانیا کوچلری یکشنبه کونی افغانستان ده گی جنگی وار عملیاتلریگه یکون یسشگن. هلمند ده گی کمپ بسشن حربی جملاغی یاپیلر ایکن، ایندی فقط مخصوص کوچلری و حربی مصحلتچی لر کابل ده قالدیرله دی .