بدخشان ولایتی ده 15 نفر طالب هلاک بولگنی و جنگلر دوام ایتماقده

افغانستان شمال شرقیده گی بدخشان ولایتی رسمی لریگه کوره افغانستان نینگ تاجیکستان بیلن جیگره سیگه یقین وردوج تومنیده قورالی جنگریلربیلن ایککی کوندن بویان جنگلر دوام ایتیپتی.

طالبان اعضالر ایکنی ایشانیلگن جنگری لرنینگ 15 نفری اولدیرلگنی ایتله دی .

بدخشان ولایتی پلیس رهبری سعید عبدالقادر سیاد کمیده 4 پلیس هلاک بولگنی حقیده ایتگن.

جناب سعید گه کوره بو جنگری لر آره سیده چچنلر، اوزبیکستان اسلامی حرکتی جنگری لری و تاجیکستان فقرا لری هم بار.

تاجیکستان جمهور رئیسی امام علی رحمان چیگره ده گی وضعیت دن تشویش بیلدرگن .

تاجیکستان مدافعه وزیرلیگی مطبوعات کاتبی فریدالمحمد علیوف تاجیکستان چیگره قوشون لری افغانستان بیلن چیگره ده گی خوف سیزلیک چاره لرینی آشیرگنلرینی بیلدردی.

اولراق افغانستان طرفی اوزی نینگ بدخشان ولایتیگه 50 دن آرتیق تاجیک فقرالری اوتگنی و وردوج ده گی طالبان صفیده اشتراک ایتگنینی دعوا قیلگن.

بی بی سی مراجعت ایتگن تاجیکستان حکومتی رسمی لری حاضرچه بو حقده اولرده معلومات یوق ایکنینی ایتیشه دی .

عینی دمده بوندن بیر کون مقدم قورالی عصیانکارلری تمانیدن اوغیرلنگن 20 نفر افغان پلیس عسکر لرینی آزاد ایتیشگه حرکت لر هم یولگه قوییلگنی ایتلماقده.