هراتده هجومچی لرتامانیدن 2پلیس اولدیریلدی

هرات پلیسی گه کوره ایکی هجومچی بوگون توشده کهنه بازاریقینده جایلشگن جاده لیلامی دیگن محلده گی پلیس توره دیگن قرارگاه لردن بیریگه هجوم قیلگن.

بوحادثه ده ایکی پلیس هلاک بولیب و7نفر عادی اهالی هم یره لنگن.

هراتده گی بی بی سی مخبری گه کوره بوقوراللی هجومچی لربیرینچی دن پلیس گه اوق اوزیب وکیین کوچه گه اوزلری پناه قیلگن.

هرات پلیسی نینگ ایتیشیچه بوکیشی لرکوچه دن چیقه آلمه گنی سبب بیرحویلی ایشیگی تگیدن نشان آلیب پلیس بیلن اوروش قیلیشگن.

بوتوقنه شووبیرساعت دن کوپراق دوام ایتیب پلیس کوچلری تامانیدن ایکی هجومچی اولدیریلگن.

هرات ولایتی اوتمیشده مملکت نینگ تینچ ولایت لریدن بیری حسابلنردی بیراق سونگی وقت لرده بوولایتده قوراللی مخالف لرفعاللیگی سبب ناتینچلیکلرآشیب کیتگن.

افغانستان جمهور رئیسلیک سیلاونتیجه لری اعلان ایتیلیشی آرتیدن کابل، مزارشریف،قندوز، قندهارو لشکرگاه شهرلری قوراللی عصیانچی لرنینگ هجوملریگه گواه بولگن.

اوتگن کونی هم قندوزولایتی نینگ قاره لاوچیلیک اداره سیگه 4خودکش شخص هجوم قیلیب نتیجه ده 6قاره لاوچی وبیرعسکراولیمیگه ضامن بولگندی.