اشرف غنی افغانستانده صلح تامینلنیشی اوچون پاکستانگه سفر قیله دی

Image copyright AP

غانستان جمهور رییسی محمد اشرف غنی یقین آره ده پاکستانگه سفر قیلیشی باره سیده خبر بیریب، بو سفردن اساسی مقصد افغانستانده صلح تامینلنیشی باره سیده مذاکره قیلیش دن عبارت ایکنینی ایتگن.

غنی جنابلری سونگی چین گه قیلگن سفری باره سیده کابل مطبوعات حضوریده چیقیش قیلیب، مملکتی نینگ صلح تامینلنیشی توغریسیده گی موقعی کینگ ایکنینی تیلگه آلگن.

او جنگریلر بیلن صلح قیلیش باره سیده فکرینی کینگه یتیریش مسله سی حقیده معلومات بیرمه گن، اما چین دن آت توتیب، مسله اوچ تمانگه باغلیق بولگن چاغده، فقط ایکله تمانگه قره شلی ایمسلیگی باره سیده اشاره قیلگن.

افغانستان جمهور رییسی گه کوره، افغانلر و خلق ارا دولتلرنینگ فکر و ملاحظه لری نه فقط چین نینگ قبولیگه سزاوار بولگن، بلکه اونی تقدیرله گن.

کوزه تووچیلرنینگ فکریچه، اشرف غنی اوزی نینگ چین گه قیلگن سفریده چین دن پاکستان ده گی نفوذیدن فایده لنیب، او مملکت نی طالبان بیلن صلح قیلیش زمینه سی باره سیده همکارلیک کورستیشگه اونده شینی نی سوره گن.

افغانستان رسمیلری پاکستان نینگ بو توغریده رولی کته ایکنلیگی نی ایتیب، سابق جمهور رییسی حامدکرزی هم بونگه تاکیدلب کیلگن.

غنی جنابلری کیله سی هفته لرده پاکستان نینگ همکارلیک میزانی معلوم بولیشی ممکنلیگی باره سیده تاکیدلب، بوندن کیین ایکله مملکت رسمیلری نینگ اوچره شوولری آشیشی ممکن دیگن.

افغانستان دولتی بیش ییلدن آرتیق مدت ایچیده طالبان نی صلح گه ترغیب قیلگن اما نتیجه بیرمه گن.

افغانستان جمهور رییسی نینگ ایتیشیچه، چین، سعودی عربستانی و تورکیه بوحقده همکارلیک کورستیب، کته آدیم کوته ریشلری ممکن و بوندن تشقری بریتانیا، بیرلشگن عرب امیرلیگی و قطر دولتلری هم همکارلیک قیلیشلری کوتیله دی.