اولوسی جرگه سیلاو کمیسیونلرینی محکمه گه تنیشتیریشگه قرارقیلگن

افغانستان اولوسی جرگه سی کرز ی جنابلری نینگ اون اوچ ییللیک دوریده لازم قدرتگه ایگه ایمس ایدی.افغانستان نینگ اولوسی جرگه سی چهارشنبه کونگی آچیق ییغینیده، سیلاولر مستقل کمیسیونلرینی محکمه گه چقیرتیریلیشی طلب قیلگن.

اولوسی جرگه رییسی عبدالروف ابراهیمی بوگونگی جنجللی ییغین سونگیده، سیلاولرنینگ اوزاققه چوزیلگنی و کینگ قلابلیک یوزبیرگنی همده نتیجه اعلانی کیچیکتیریلگنی سبب، شکایت همده سیلاو مستقل کمیسیونی محکمه گه تنیشتیریلیشی باره سیده قرار قبول قیلگنلرینی اعلان قیلگن.

بوگون سیلاو مستقل همده شکایتلر کمیسیونی مجلسگه چقیرتیریلگندی و اولردن هیچ بیری مجلس گه بارمه گن. ابراهیمی جنابلری بو ایکله کمیسیون حضور تاپمه گنلیکلری باره سیده جواب بیریشلری نی سوره گن.

او شونینگ دیک، افغانستان خلقی یامان بیر شرایط ده آواز بیریش مرکزلریگه باریب رای بیریشگن و بیرقطار آدملر اولیب یره لنگن. اولرنینگ فداکارلیکلری کوزگه ایلینمه گن، بلکه سیلاو کته قلابکارلیک بیلن عملگه آشگن و نتیجه هم سروقت اعلان قیلینمه گن.

او شونینگدیک، افغانستان اولوسی جرگه نینگ عدلی و قضایی اداره لریدن سیلاولر کمیسیونی نینگ صلاحیتلری و قانون تشکیلی اوستیده ایش آلیب باریشلرینی سوره ب، بوحقده لازم اوزگریش کیلتیریلیشی نی تاکیدله گن.

سیلاو مستقل کمیسیونی 9 اعضا گه ایگه. بو اعضالر سیاسی، حربی، و دولت ونادولت ایشلرگه ایشله آلمه یدیلر.

کمیسیون اعضالری نینگ ایش مدتی 6 ییل بولیب، قانون گه مطابق ماموریت یکونلنمه گونچه، بو کمیسیون اعضالری برطرف ایتیلمه یدی. اما افغانستان اولوسی جرگه سی افغانستان سیلاولر کمیسیونلری نینگ صلاحیت وقانون تشکیلاتلریده اوزگریش کیریتیماقچی.