امریکا ده روسیه لیک طالب محکمه گه تارتیلدی

Image copyright BBC World Service

طالبان صفیده افغانستانده اوروشگنی ادعا قیلینگن روسیه نینگ سابق ضابطلریدن بیری ترورچیلیک عیبلاو بیلن امریکاده گی محکمه لردن بیریگه حاضر بولگن.

55 یاشیده بولگن ایریک ایگلیز حامدولین بیر امریکالیک نی قتل ایتیش داخل 12 مورد عیبلاو بیلن دوچ کیلگن.

او میلادی 2009 ییلده افغان چیگره پلیسی و امریکا لیک لرگه هجوم ایتیلگنیدن سونگ قولگه آلینگن ایدی، بیش ییل بگرام ده قماققه بولیب کیین امریکا گه انتقال بیریلدی. ایاق قولی زنجیر بیلن باغلنگن حامدولین ریچمون ویرجینیا شهریده گی فدرال محکمه سیگه حاضر بولدی.

عیبلاو نامه اساسیده او، 1970 و 1980 ییللر افغانستانده فعالیت آلیب بارگن سابق شورا حربیلری نینگ ضابطلریدن بیری بولگن.او افغانستانده قالیب کینچه لیک طالبان صفیگه قوشیلدی.

ادعانامه ده تاکیدله نیشیچه، ایگلیز جنابلری میلادی 2009 – ییلده خوست ده لیلازکمپیده گی افغانستان و امریکالیک کوچلریگه قرشی اویوشتیریلگن هجومنی رهبرلیک قیلگن.

حامدولین جنابلری بیرینچی بار محکمه گه حضور تاپیشی بیلن کوپ گپیرمه دی و محکمه جلسه سی ینه جمعه کونی اوتکزیلیشی ریجه لنگن.

او،امریکالیک لرتامانیدن قماققه اوشلب توریلگن 13 عصیانچیلریدن بیری.رسمی معلومات لرگه کوره، امریکا باشقه محبوسلرنی هم دیسامبر آی نینگ اخریگه قدر انتقال بیرماقچی.