کابلگه تیگیشلی صنعتی پارکده اونلب فابریکه قوریله دی

Image copyright rezakhalili

کیلگوسی بیرییلده ییگولیک آذوقه، پلاستیک وباسیب چیقاریش محصولاتلری نی ایشلب چیقره دیگن 24صنعتی فابریکه کابل نینگ بگرام صنعتی پارکی نینگ ایکینچی قسمیده تاسیس ایتیلیب فعالیت گه باشله شی کوتیله دی.

بوپارک نینگ بیرینچی قسمیده 33کارخانه فعالتیب قیله دی.

بوکارخانه لرنینگ ایجادایتیلیب فعالیتگه باشلشی اوچون بوگوندن عملی ایشی باشلنگن.

بوکارخانه لرفعالیت گه باشله شی اوچون کمیده قیرق میلیون دالرخرجت طلب قیله دی.

بوپارک نینگ بیرینچی قسمیده 33کارخانه فعالتیب قیله دی.

کابل شرقیده جایلشگن بگرامی صنعت پارکیده اونلب تجاروسرمایه یاتقیزووچی شخص توپله نیشی بیلن بوگون مهم اقتصادی لایحه نینگ آچیلیش مراسمی بولیب اوتدی.

جمعه محمدمحمدی دیب اتلگن بوصنعتی پارک نینگ ایکینچی قسمی بوندن 8ییل آلدین فایده له نیشگه تاپشیریلیشی کوتیلردی.

اما ییرمالکیتی اوستیده جنجل چیققنی سبب بونینگ ایشی بوگونگچه آرتده قالدیریلدی.

بوصنعی پارکده 24کارخانه ایجاد ایتیلیب و مساحتی 55جریب دیر.

ایشلب چیقریش فعالیتی کیلگوسی بیرییلده عملن باشلنه نیشی ممکن.

بوپارک آیسا یا سرمایه یاتقیزووچی لرنی حمایت ایتیش اداره مسوولی وفی الله افتخاری بوصنعتی پارک حقیده معلومات بیره دی."بوکارخانه لرفعالیت گه باشله شی اوچون 30 و40میلیون دالر سرمایه یاتقیزیلیشی ممکن، ایجادایتیلیشی کوتیله دیگن بوفابریکه لرگه عاید ماشین واوسکونه اسباب لرنیچه ییل آلدین کیلتیریلگن ایدی، حاضرشوییرده کانتنیرلرده سقلنماقده، شرایط مهیا بولگن، برچه صناعتچی لریمیز بولایحه عملی بولیشی نی کوتیب تورگندیلر، ییرناتیکیس ایشلربوگون باشلنه دی" دییدی افتخاری جنابلری

اوشبوپارکده گی کوپلب کارخانه مسوولری ییر وباشقه امکانیت بولمه گنیدن شکایت ده لر

افغانستان صناعت اویوشمه سی باشلیغی شیربازکمینزاده افغانستان دولتی دن افغان تجارلری یاردمی بیلن خارجدن کیریب کیله دیگن صفت سیزمحصولات لرنی آلدینی آلیش اوچون اوزایچکی محصولات بیلن اوزاحتیاجنی برطرف ایتیشیگه شرایط یره تیب بیریشینی طلب قیلدی.

بوکارخانه لرایش گه توشیشی بیلن یوزلب کیشی گه ایش زمینه سی یره تیلیشی ممکن. حاضر خارجی مملکت لرده میلیون لب افغان ایش قیلیش اوچون حیات کیچیرماقده.

شونگه قره مسدن هلی هم کونیده اونلب افغان وطنداشی ایش سیزلیک سبب خارجی مملکت لرگه یول آله دی.

رسمی معلومات لرگه قره گنده میلادی 2001ییلدن بیری افغانستانده کمیده 7000ایشلب چیقریش شرکتی فعالیت رخصت نامه سی آلیشگن.

اما بوندن یرمی ناتینچلیک، اقتصادی احوال یامانلیگی وحکومت تامانیدن حمایت بولمه گن لیک سبب فعالیتینی توختتگن ایدی.

توختب قالگن کارخانه لرنینگ اکثریسی مملکت غربی هرات ولایتی وپاتیتخت کابلده جایلشگن.

جهان بانکی نینگ ینگی گزارشی گه کوره افغانستان آسیا ده سرمایه یاتقیزیش اوچون اینگ یامان مملکت لردن بیری ودنیاده ایسه ییتینچی مملکت قطاریده توره دی.