تورکیه قیرغاغیده غرق بولگن 11 افغاندن هلیگچه درک یوق

افغانستان تشقی ایشلروزیرلیگی استانبول قرغاغیده هلاک بولگن افغان مهاجرلریدن ایکی جسد اوتگن کون سوودن چیقه ریلگنینی ایتگن. بو تعداد بیلن اولگنلرنینگ سانی 25 نفرگه ییتگن.

4 نوامبرکونی 42 نفر افغانستانلیک مهاجر مینگن کیمه استانبول شمالیده بسفر بوغیزی و قاره سوو اورته سیده سووگه چوکدی.

بو حادثه دن آلتی افغان مهاجری آمان قالگن و اولردن تورته سی نینگ احوالی آغیر دییلگن. اما باشقه اون بیر نفرنینگ تقدیری حقیده معلومات موجود ایمس.

افغانستان جمهور رییسی محمد اشرف غنی مملکت تشقی ایشلروزیرلیگیگه تورکیه دولتی بیلن موافقلشیب، بسفر بوغیزیده سووگه چوککن کیمه باره سیده تحقیق قیلیشگه دستور بیرگن.

افغانستان تشقی ایشلروزیرلیگی معاونی سراج الحق سراج نینگ بی بی سی گه ایتیشیچه، افغانستان دولتی تورکیه دولتی دن تقدیری نامعلوم قالگن اا نفر نی قیدیریش عملیاتی نی دوام ایتدیریشینی سوره گن.

قوتقه زیلگن آدملرگه کوره، کیمه ده گی آدملر اروپا اتفاقی اعضاسی رومانیا گه اوزلرینی ییتکزماقچی بولگن.

اما هنوزگچه کیمه نینگ سوو گه چوکگنی سببی معلوم قیلینمه گن.

تورکیه اوروپا گه اوته دیگن مهاجرلرنینگ اساسی یولی حسابلنه دی. بوندن ایکی آی آلدین بیرگروه افغان وسوریه لیک مهاجرلری تورکیه قیرغاغ حربی لری تمانیدن قوتقه زیلدی.