اوباما: افغانستان کیله جگی عیاللر قابلیتی یوکسه لیشیگه باغلیق

Image copyright AP

امریکا ترقیات اداره سی تامانیدن افغان عیاللری اوچون 216 میلیون دالر هزینه بیلن عملگه آشیریله دیگن پروژه نی آچیلیش مراسمی بولیب اوتدی. امریکالیک مقاملر گه کوره، اوشبو مملکت تاریخیده حاضرگه قدر عیاللر اوچون شونده ی ییریک پروژه عملی بولمه گن.

بو برنامه آرقه لی اون سککیز و اوتیز یاشیده بولگن 75 مینگ عیال رهبرلیک، حکومتدارلیک، اقتصاد وحقوق بولیملریده تعلیم کوریشلری کوزلنگن.

امریکا جمهوررییسی باراک بو برنامه نینگ آچیلیش مراسمیده قیسقه ویدیوی پیامده افغانستان کیله جگی عیاللر قابلیتی یوکسه لیشی گه باغلیق ایکن لیگینی تاکیدله دی:"بو رواجلنیش کوچله نیش خصوصیده گی افغانلر خوشبینلیگی اینیقسه عیاللر اوچون بیر سیناودیر. امریکا خلقی حربیلر وناحربیلریمیز، سیزبیلن همکارلیک قیلیشگه فخرلنه دی. بو فقط باشله نیش بولیب حاضرگه قدر، یوزلب مینگ عیال ایش اورگه نیش وافغانستان کیله جگینی توزه تیشگه تیار، امریکا یاردملرینی دوام ایتتیریشگه تعهدلی دیرکه عیاللر کوزله گن هدف لریگه ایریشسه لر."

آچیلیش مراسمیده سوز یوریتگن افغانستان جمهوررئیسی محمد اشرف غنی اوتگن اون اوچ ییلده عیاللر کوپیگینه یوتوق لرگه ایریشگنلیک لرینی ایتیب بیراق دولتی اداره لرده اولرنینگ اشتراکی قانیقرلی بولمه گنینی تاکیدله دی.

عینی حالده او، ملی بیردملیک حکومت بومساله گه جدی اعتبار قره تیلیشینی تاکیدلب عیاللر قابلیتینی آشیریش اوچون اساسی برنامه لر عملی بولیشی کیره ک لیگینی اورغوله دی:" بوباردم لرنینگ قیسقه مدت و اورته مدت ایچیده نتیجه بیریشی اوچون یاردم مکانیزمی تیکشیریلیشی ضرور، یاردملردن بیرقسمی عیاللر تمانیدن رهبرلیک بولینه دیگن مخصوص بیلیم یورت ایجاد ایتیلسین، شونینگ دیک قیسقه مدت کورسلر نتیجه بیرمه یدی، عیاللر ملکه لرینی آشیریش اوچون انستیتوتلر ایجاد ایتیلیب، وزیرلر معیین لر و کیللر اوزگریش نتیجه سی اساسی بولیشی اوچون ترکیه، قطر، مالیزیا کبی مملکت لر مقاملری بیلن فکر المشتیرسین چونکی بومملکت لرده اساسی اوزگریشلر کیلگن."

بولایحه آرقه لی ییگیرمه بیش مینگ عیال دولت نینگ مهم رهبرلیک مقاملیک لریگه ایریشیشی اوچون تعلیم کوره دی. پالیسی و قرار آلیش بولیم لرده عیاللر ظرفیتینی یوکسلتیریش اوچون هم اعتبار بیریله دی. شونینگ دیک عیاللرنی تجارت بولیمیده کوچلنتیریش، بازارگه یول تاپیشی اوچون موجود قیینچیلیک لرنی برطرف ایتیش باره سیده ایریم پروژه لر عملی بولیشی کوزلنگن.

امریکا دولتی بو برنامه لرعملی بولیشی اوچون باشقه دولت لرنی هم ینه ایککی یوزمیلیون دالر یاردم بیریشگه چقیرگن.