مخدر ماده لرگه قرشی کوره شیش نمه اوچون ثمره بیرمه یاتیر؟

Image copyright Getty

بیرلشگن ملتلر تشکیلاتی وافغانستان مخدره ماده لرگه قرشی کوره شیش وزیرلیگی تاماندن نشرایتیلگن ینگی گزارشی گه کوره مخدر ماده لرنینگ ایشلب چیقاریش میزانی بو ییل 17 فیصد آشگن.

عینی گزارشیده قید ایتلیشیچه کوکناره نینگ ایکیلیشی هم 7 فیصد کوپه یگن .

بو حالت گه جاری ییل ده گی اوروش لرنینگ شدت آلگنی، کیچیکتیرلگن جمهور رئیس لیک سیلاوی و کوکناره زار لرنینگ ویران ایتلمه گنی سبب قیلیب کورسه تیلماقده .

بیرلشگن مللتلرتشکیلاتی تمانیدن ترقه تیلگن حساباتگه کوره بوییل 224مینگ هکتارییرده کوکناره ایکیلگن اما میلادی 2013ییلیده کوکنارایکیلگن ایکین زارییر 209هکتار بولگن .

حاضرگچه خارجی دولتلر اینقسه امریکا مخدر ماده لرگه قرشی کوره شیش اوچون میلیونلب دالرنی افغانستانده صرف له گن . خوب بوندی بیر وضعیت ده مخدر ماده لرگه قرشی کوره شیش نمه اوچون نتیجه بیرمه گن؟ مخدر ماده لرگه قرشی کوره شیش اوچون قندی چاره تدبیر آلینیشی کیرک؟ بنگی وار ماده لرنینگ کوپه یشی افغانستان ده کی ییرک شهر لرده اهالی اوستیگه قندی تاثیر قالدرماقده؟

بو هفته گه سوز سیزگه رکنی عینی شو موضوع گه بغیشلنگن . سوز سیزگه برنامه سیگه اشتراک ایتیش اوچون تیلفون رقم لرینگیزنی بی بی سی اوزبیک خذمتیگه یوبارینگ. بیز جانلی روشده دستور جریانیده سیزگه تیلفون قیله میز. اوز فکر و تیلفون رقم لرینگیزنی قوییده کی فورم آرقه لی هم بیزگه یوباریشینگیز ممکن.

سوز سیزگه رکنی هر پنچ شنبه کونی افغانستان وقتی بیلن اقشام ساعت 6 دن 6:30 نشر ایتله دی.