کابل غربیده گی پارتلشده ملت وکیللریدن بیری نینگ موتری نشانگه آلیندی

Image copyright Reuters

کابل شهری نینگ دارالامان جاده سیده یوزبیرگن انتحاری هجومده، کمیده اوچ تینچ فقرا هلاک و 32 کیشی یره لنگن. بوهجومده پارلمان وکیلی شکریه بارکزی موتری انتحارچی تامانیدن نشانگه آلینگن. خانم بارکزی اوزی ینگیل یره لنگن.

کابل پلیس قوماندانلیگی سوزچیسی حشمت الله ستانکزی ، پارتلش کابل شهری نینگ آلتینچی حوزه سی – دارالامان جاده سیده روی بیرگنینی ایتدی.

ستانکزی جنابلری بو حادثه ده بیر قیز طلبه داخل اوچ تینچ فقرا هلاک و 32 کیشی یره لنگنینی تصدیق له دی.

Image copyright U.S. Embassy
Image caption خانم بارکزی بو پارتلشده یره لنگن

شکریه بارکزی بیلن کسلخانه گه بارگن اولوسی جرگه اعضالریدن هیلی ارشاد، خانم بارکزی وضعیتی یخشی بولگنینی ایتیب اما ا موتری بوتونلی اورته دن کیتگنینی تاکیدله گن.

پارلمان بناسی، حبیبیه لیسه ، ایریم خصوصی بیلیم یورت وبیرقنچه مهم اداره لر پارتلش یوزبیرگن محل یقنیده جایلشگن.

گزارشلرگه کوره، پارتلش نتیجه سیده بیر نیچه طلبه هم یره له نیب و حادثه یوزبیرگن محل اطرافیده گی بنالر هم قسمن خساره کورگن.

پارتلش مسوولیتی نی حاضرگه قدر هیچ بیرگروه اوز ذمه سیگه آلمه گن.