افغانستان بویلب یوزبیرگن ناقرارلیک لرده کمیده 32 کیشی قربان بولگن

Image copyright BBC World Service

کنرولایتیده طالبان گروهی ایککی امنیتی پوسته گه هجوم اویوشتیرگن، نتیجه ده اوچ پلیس اولیب تورت پلیس هم یره لنگن، لغمانده ولایتیده 25 طالب هلاک و 17 طالب هم قولگه آلینگن و بدخشانده ایسه طالبان نینگ حربی مسووللریدن بیری توتقینگه آلینگن.

کنر ولایتی نینگ ناری تومنیده گی امنیتی پوسته لرگه طالبان تامانیدن اویوشتیریلگن هجوم نتیجه سیده چیگره قوریقچی اوچ پلیس عسکری هلاک و ینه تورت پلیس یره لنگن.طالبان گروهی ایککی پوسته نی تصرف ایتیب اون طالب هلاک ایتیلگنینی ادعا قیلگن.

عینی حالده لغمان ولایتی نینگ الینگار تومنیده یولگه قوییلگن حربی عملیات ده 25 طالب هلاک و 17 قوراللی طالب قولگه آلینگن. لغمان ولایتی نینگ محلی ارگانلر اداره سی تامانیدن ترقه تیلگن خبرنامه ده یازیلیشیچه، هلاک بولگنلر اره سیده طالبان نینگ اوچ قوماندانی هم موجود بولگن.

شونینگدیک شمال شرقی قندوز ولایتیده یولگه قوییلگن حربی عملیات ده 4 طالب هلاک و 16 قوراللی طالب هم قولگه آلینگن. قندوز ولایتی نینگ پلیس اداره سی گه کوره، حربی عملیات اوشبو ولایت نینگ چهاردره تومنیده یولگه قوییلگن ایکن. طالبان گروهی مذکور عملیاتده ایککی طالب هلاک بولگنینی تصدیق له گن.

باشقه تاماندن شمال شرقی بدخشان ولایتی نینگ ارگو تومنیده طالبان نینگ محلی قوماندانلریدن بیری قولگه آلینگن مولوی خیرالله ناملی بو شخص ارگو اولسواللیگیده طالبان نینگ حربی مسوولی صفتیده وظیفه آلیب باررایکن.

بدخشان مقاملری ارگو تومنیده گی ناتینچلیک لرنینگ قولگه آلینگن طالبان قوماندانیگه نسبت بیریب باشقه تومنلرده یوزبیرگن ناقرارلیک لرده هم بو شخص قولی بولگنینی ایتگن.

طالبان عصیانچیلری حاضرگه قدربوباره ده هیچ نرسه دیمه گن.