"پارلمان سیلاولری زمانیده بولیب اوتدی"

بوگون کابل ده 34ولایت نینگ ولایت کینگش نامزدلری توپله نیب اعتراض بیلدیرگنلر.

عین حالده افغانستان سیلاولرمستقل کمیسیونی پارلمانی سیلاونی اوتکزیش اوچون تیارگرلیک لری بارلیگی باره سیده خبربیرگن.

اما سیلاونینگ سونگی جنجللری بوکمیسیون گه بولگن ایشانچنی سوال آستیگه قوییشگن.

ملی بیردملیک حکومتی جنجللر بیلن بیرگه بولگن جمهور رئیسلیک سیلاوی نتیجه سی یوزه سیدن تشکیل تاپدی بوحکومت عمری دن کوپ وقت اوتمه گن.

اما هلی هم 16حمل بولیب اوتگن ولایت کینگش سیلاوجنجللربیلن بیرگه بولگن.

اعتراض بیلدیرگن ولایت کینگش نامزدلری بوگون کابل گه کیلیب سیلاوکمیسون لری تامانیدن اعلان ایتیلگن نهایی نتیجه گه، عدالت رعایت ایتیلمه گنی دن شکایتده لر.

سیلاوکمیسیونی نینگ معلوم قیلیشیچه بولیب اوتگن سیلاوموضوعی نهایه تاپگن.

حاضرکمیسیون پارلمانی سیلاونی یولگه قوییش اوچون حرکت قیلماقده.

بوسیلاو خرجت لربیلن بیرگه بوله دی، سیلاوکمیسیونی نینگ اختیاریده صرفلنه دیگن مبلغ موجود بولمه گن.

بولیب اوتگن بیرنیچه سیلاوخرجتی دنیا هم جمعیت مملکت لری تاماندن توله نیب کیلگن. سیلاولرمستقل کمیسیونی سوزچیسی نورمحمد نورپول اختیارلریگه قوییلگن تقدیرده باشقه هیچ قنده ی قیین چیلیک بولمه گن دیب ایتدی.

اخیرگی سیلاوبوکمیسیون تاماندن یخشی باشقریلمسلیگی شکایت وتنقیدلرگه سبب بولیب و کمیسیون قلابگرلیک لرگه قولی بولگن لیگی اوچون جدی عیبلندی.

پارلمانی سیلاو بولیب اوتمسدن آلدین سیلاوتیزیمی اصلاح ایتیلیش موضوعی اساسی طلب لردن بیری حسابلنه دی.

جمهور رئیس نینگ حقوقی مصلحتچیسی عبدالعلی محمدی کابینه تشکیل تاپیب ایشگه باشله شی بیلن سیلاوتیزیمی اصلاح ایتیلیشی نی تاکیدله یدی.

سیلاوتیزیمی نی اصلاح ایتیش مساله سی کمیسیونگه آغیرتوشیشی ممکن، کمیسیون نینگ حاضرگی ترکیبی سوال آستیده، چون بوکمیسیون نینگ هر بیر اعضاسی 6ییل خذمت قیلیشی ممکن.

بوندن تشقری پارلمانی سیلاو بیلن تومن کینگش سیلاولری احتمال بیلن عین وقتده اوتکزیلیشی تیلگه آلینماقده. بومساله عملی بولگن حالده بوسیلاونی احتمال بیلن کیینگه قالیشیگه سبب بوله دی.