پکتیکاده یوزبیرگن قانلی هجوم ایچکی و خلق ارا مناسبت لرگه سبب بولدی

Image copyright b

اوتگن کون پکتیکا ولایتیده والیبال بیلله شووی یولگه قوییلگن چاغی یوزبیرگن انتحاری هجومده کمیده 50 نفر اولیب و التمیش دن آرتیق شخص یره لنگنی ایچکی و تشقی مناسبت لر گه سبب بولدی.

جمهوررییس محمد اشرف غنی جدی مناسبت بیلدیریب حادثه نی " دهشت لی و رحم سیز " اتب بو انتحاری هجوم غیراسلامی ایکنلیگینی تاکیدله گن.

حادثه مسوولیتی نی حاضرگه قدر هیچ بیرگروه یا شخص اوز ذمه سیگه آلمه گن، اما امنیتی مسووللر مذکور قانلی هجومنی افغانستان دشمنلریگه نسبت بیرگن.

اروپا بیرلشمه سی نینگ افغانستان ده گی مخصوص وکیلی فرانز میلیبن شوندی دیگن:" پکتیکا ده تینچ فقرا عاموی قتل ایتیلیشینی ایشیتیب دهشت گه توشدیم." شونینگ دیک میلبین جنابلری قبول قیلینرلی بولمه گن بوندی عملگه کیم مسوول دیه فکر بیلدیرگن.

افغانستانده فعالیت آلیب باره یاتگن ایساف کوچلری نینگ قوماندانی پکتیکا هجومینی قتیق قاره له گن.

اوشبو کوچلر عمومی قوماندانی ژنرال جان کمبل بیر خبرنامه ارقه لی:" افغانستان صلح و ترقیات دشمنلری نینگ زوروانلیک عملری ا انسانلر حیاتیگه ایشانچسیزلیکلرینی کورسه دیش." دیه فکر بیلدیرگن.

امریکا حکومتی هم پکتیکا حادثه نی قتیق قاره له گن. امریکا ایلچیخانه سی نینگ تویتیر صحیفه سیده شوندی یازیلگن:" تینچ فقرا نشانگه آلینگن بو دهشتلی هجومنی بیز قتیق قاره لیمیز."

پاکستان حکومتی بو حادثه نی " تروریستی " اتب قتیق قاره له گن. پاکستان تشقی ایشلر وزیرلیگی ویب صحیفه سیده نشرا یتیلگن خبرنامه ده گناه سیز انسانلر تلفاتی گه سبب بولگن شوندی عمل قبول قیلینرلی ایمس لیگیی اورغولنگن.

جمهوررییس اشرف غنی پکتیکا ده یوزبیرگن قانلی هجومده یره لنیب کابل گه کیلتیریلگن شخصلرنی کوریش اوچون کسلخانه گه بارگن.

بریتانیانینگ کابلده گی ایچلیسی ریچارد ستگ هجومنی قاره لب اوته " قورقینچلی" اته گن. او توتیر صحیفه سیده شوندی غیر انسانی عمل دن هیچ نرسه قولگه کیلمی دیب یازگن.

کانادا حکومتی هم قتیق قاره له گن، کانادا نینگ کابل ده گی ایلچیخانه سی تامانیدن نشر ایتیلگن خبرنامه ده، مذکورهجومده تماشا اوچون سپورت میدانیگه بارگن تینچ فقرا نشانگه آلینگنی ایتیلیب عادی افغانستانلیک لر شوندی عمللر قربانی بوله یاتگنی تاکیدلنگن.